KHuda apni maujudgi ki KHabar de raha hai

zamīñ ko ġharaz hī nahīñ hai

yaqīñ manziloñ ke ta'āqub meñ jaane kahāñ

kis taraf jā basā hai

nahīñ us pahāḌī ke pīchhe koī bhī nahīñ hai

makīñ ab makānoñ se bāhar nikal kar use DhūñDte haiñ

jo shāyad nahīñ hai

ḳhushī ġham se duurī ke nuqsān meñ din gine jā rahī hai

kamī apne hone pe nauha-kunāñ hai

kisī ko kisī kī ḳhabar hī nahīñ hai

ḳhudā kī banā.ī ga.ī is zamīñ par

koī kyā kisī ko batā.e ki maiñ huuñ yahāñ

ḳhudā apnī maujūdgī kī ḳhabar de rahā hai

zamin ko gharaz hi nahin hai

yaqin manzilon ke ta'aqub mein jaane kahan

kis taraf ja basa hai

nahin us pahaDi ke pichhe koi bhi nahin hai

makin ab makanon se bahar nikal kar use DhunDte hain

jo shayad nahin hai

KHushi gham se duri ke nuqsan mein din gine ja rahi hai

kami apne hone pe nauha-kunan hai

kisi ko kisi ki KHabar hi nahin hai

KHuda ki banai gai is zamin par

koi kya kisi ko batae ki main hun yahan

KHuda apni maujudgi ki KHabar de raha hai