KHushi ka lamhati tassur

mere bachchoñ kī javānī hai javānī merī

phir na.ī ho ga.ī tasvīr purānī merī

mere āñgan meñ ka.ī chāñd sitāre utre

tere jalvoñ se huī shaam suhānī merī

tere lahje meñ hai andāz-e-takallum merā

terī guftār meñ rangīn-bayānī merī

tere ādāb-o-ḳhayālāt meñ āhang mirā

terī raftār meñ poshīda ravānī merī

terī sūrat meñ ka.ī aks ayaañ haiñ mere

nayā unvān badaltī hai kahānī merī

baa'd mere bhī nazar aa.egā paikar merā

DhūñD hī leñge koī log nishānī merī

mere bachchoñ pe rahe sāya-e-rahmat 'mumtāz'

hai duā ab ye hī ashkoñ kī zabānī merī

mere bachchon ki jawani hai jawani meri

phir nai ho gai taswir purani meri

mere aangan mein kai chand sitare utre

tere jalwon se hui sham suhani meri

tere lahje mein hai andaz-e-takallum mera

teri guftar mein rangin-bayani meri

tere aadab-o-KHayalat mein aahang mera

teri raftar mein poshida rawani meri

teri surat mein kai aks ayan hain mere

naya unwan badalti hai kahani meri

ba'd mere bhi nazar aaega paikar mera

DhunD hi lenge koi log nishani meri

mere bachchon pe rahe saya-e-rahmat 'mumtaz'

hai dua ab ye hi ashkon ki zabani meri