KHwab aasar

abhī to tum se apnī guftugū ke taar baaqī haiñ

abhī aadhī hai shab aur ḳhvāb ke āsār baaqī haiñ

abhī manzil talab ke rāstoñ meñ khoī khoī hai

abhī ik kahkashāñ hai baam par jo soī soī hai

murādoñ aur umañgoñ ke ka.ī kohsār baaqī haiñ

abhī aadhī hai shab aur ḳhvāb ke āsār baaqī haiñ

hamāre aur tumhāre rāstoñ meñ ek aahaT hai

zarā tham kar suno guzre dinoñ kī gungunāhaT hai

khanak jaatī hai pyālī chaa.e kī jab dil dhaḌakte haiñ

abhī jazboñ kī sachchī aab kā iz.hār baaqī hai

abhī aadhī hai shab aur ḳhvāb ke āsār baaqī haiñ

mukammal ho gayā hai ek qissa ek baaqī hai

safar aadhā kaTā hai aur aadhā ab bhī baaqī hai

abhī kun kī sadā.eñ aa rahī haiñ vajd baaqī hai

mohabbat ke anokhe raaz kī takmīl baaqī hai

hai qissa muḳhtasar ki ziist ke asrār baaqī haiñ

abhī aadhī hai shab aur ḳhvāb ke āsār baaqī haiñ

abhi to tum se apni guftugu ke tar baqi hain

abhi aadhi hai shab aur KHwab ke aasar baqi hain

abhi manzil talab ke raston mein khoi khoi hai

abhi ek kahkashan hai baam par jo soi soi hai

muradon aur umangon ke kai kohsar baqi hain

abhi aadhi hai shab aur KHwab ke aasar baqi hain

hamare aur tumhaare raston mein ek aahaT hai

zara tham kar suno guzre dinon ki gungunahaT hai

khanak jati hai pyali chae ki jab dil dhaDakte hain

abhi jazbon ki sachchi aab ka izhaar baqi hai

abhi aadhi hai shab aur KHwab ke aasar baqi hain

mukammal ho gaya hai ek qissa ek baqi hai

safar aadha kaTa hai aur aadha ab bhi baqi hai

abhi kun ki sadaen aa rahi hain wajd baqi hai

mohabbat ke anokhe raaz ki takmil baqi hai

hai qissa muKHtasar ki zist ke asrar baqi hain

abhi aadhi hai shab aur KHwab ke aasar baqi hain