KHwab ek jazira hai

jis ke chāroñ-samt ab tak

pāniyoñ kā relā hai

aisā sard paanī ki

jis meñ koī utre to

ruuh sard paḌ jaa.e

kaañp jaa.e saarā tan

kaun ye samajhtā hai

ḳhvāb kitne ziddī haiñ

gol gol lahroñ meñ

Duub kar ubharne kā

hausla sameTe ye

aise kuud paḌte haiñ

jaise koī muddat se

pyaas meñ taḌaptā ho

aur sāmne us ke

sirf ek kuuza ho

jis meñ chand qatre hoñ

sun lo aañkh kā qissa

qarz apne ḳhvāboñ kā kis tarah chukātī hai

mauj ke thapeḌoñ se reza reza hotī hai

lamha lamha jaltī hai TuuT kar barastī hai

surḳh surḳh Doroñ meñ sab thakan sameTe ye

ḳhvāb kab samajhte haiñ aañkh kī taḌap kyā hai

kitne dard palkoñ par yuuñ uThā.e phirtī hai

gahre is samundar meñ kaise kaise tūfāñ haiñ

toḌte haiñ kyā kyā kuchh shor kaise karte haiñ

ḳhvāb ek jazīra hai vo kahāñ samajhtā hai

us kī ek ḳhvāhish par aañkh kitnā rotī hai

aañkh kitnā rotī hai

jis ke chaaron-samt ab tak

paniyon ka rela hai

aisa sard pani ki

jis mein koi utre to

ruh sard paD jae

kanp jae sara tan

kaun ye samajhta hai

KHwab kitne ziddi hain

gol gol lahron mein

Dub kar ubharne ka

hausla sameTe ye

aise kud paDte hain

jaise koi muddat se

pyas mein taDapta ho

aur samne us ke

sirf ek kuza ho

jis mein chand qatre hon

sun lo aankh ka qissa

qarz apne KHwabon ka kis tarah chukati hai

mauj ke thapeDon se reza reza hoti hai

lamha lamha jalti hai TuT kar barasti hai

surKH surKH Doron mein sab thakan sameTe ye

KHwab kab samajhte hain aankh ki taDap kya hai

kitne dard palkon par yun uThae phirti hai

gahre is samundar mein kaise kaise tufan hain

toDte hain kya kya kuchh shor kaise karte hain

KHwab ek jazira hai wo kahan samajhta hai

us ki ek KHwahish par aankh kitna roti hai

aankh kitna roti hai