kisan

barahna jism pasīne meñ ġharq nange paañv

magar sukūn hai yuuñ dil meñ jaise ThanDī chhāñv

gehūñ ke khet se kuTiyā meñ apnī aayā hai

tasavvurāt kī duniyā bhī saath laayā hai

hai ik phaTī huī kambal ġharīb kāñdhoñ par

siyāh abr pe rah rah kar uTh rahī hai nazar

paḌā hai khet kā sāmān ek kone meñ

haiñ is kī ziist ke asrār pā ke khone meñ

nafas hai phūlī huī jaise phūñk bhatte kī

rakhī hai kaan pe biiḌī banā ke patte kī

lahū kī lahr sī hai maujzan pasīne meñ

baqā-e-dahr kā hai raaz us ko jiine meñ

har ek saañs hai is kī bahār-e-āzādī

ki is ġhulām kā dil hai dayār-e-āzādī

barahna jism pasine mein gharq nange panw

magar sukun hai yun dil mein jaise ThanDi chhanw

gehun ke khet se kuTiya mein apni aaya hai

tasawwuraat ki duniya bhi sath laya hai

hai ek phaTi hui kambal gharib kandhon par

siyah abr pe rah rah kar uTh rahi hai nazar

paDa hai khet ka saman ek kone mein

hain is ki zist ke asrar pa ke khone mein

nafas hai phuli hui jaise phunk bhatte ki

rakhi hai kan pe biDi bana ke patte ki

lahu ki lahr si hai maujzan pasine mein

baqa-e-dahr ka hai raaz us ko jine mein

har ek sans hai is ki bahaar-e-azadi

ki is ghulam ka dil hai dayar-e-azadi