koi dud se ban jata hai wajud

aadhī raat ko phone bajā

aur ubhrī ik an-jānī maġhlūb sadā

apnī chīḳh kī dahshat se

abhī abhī vo jaagī hai mālūm huā

baizavī chehra

be-sūrat

sar par muḌe-tuḌe do siiñg

aur siine ke vast meñ ik

panj-konī aañkh

aañkh kī putlī meñ merā hī aks muqayyad

ātish-fishāñ pahāḌ kī gahrā.ī se ubhar kar

ḳhūnī panje

bheñch bheñch kar

khurdure lahje meñ vo chīḳhā

apnī marzī kī to sub.h bistar par

jism nahīñ

makḌī kā jaalā pāogī

merā hukm hai aa jaao

aur barahna hote hī

mujh ko chhū kar

mere jaisī ban jaao

aa jaao

aa jaao

aa jaao

aadhi raat ko phone baja

aur ubhri ek an-jaani maghlub sada

apni chiKH ki dahshat se

abhi abhi wo jagi hai malum hua

baizawi chehra

be-surat

sar par muDe-tuDe do sing

aur sine ke wast mein ek

panj-koni aankh

aankh ki putli mein mera hi aks muqayyad

aatish-fishan pahaD ki gahrai se ubhar kar

KHuni panje

bhench bhench kar

khurdure lahje mein wo chiKHa

apni marzi ki to subh bistar par

jism nahin

makDi ka jala paogi

mera hukm hai aa jao

aur barahna hote hi

mujh ko chhu kar

mere jaisi ban jao

aa jao

aa jao

aa jao