koi kapDe kaise badal gaya

maiñ apne libās pheñktī jā rahī huuñ

shāyad koī ThiThur rahā ho

kal tumheñ baañT degī

aur miTTī pe koī sīdhī raah nahīñ hai

charāġh ne chuġhlī sīkhī

aur qatār meñ fāsla rakhā

vo vahīñ rah gayā jahāñ se mujhe chalnā thā

daaġh kis kī chitā pe jaleñge

TuuTe khilaune hāthoñ se āzād haiñ

khel maidānoñ meñ rahne lage

biin rassiyoñ pe bajā.ī jaane lagī

parindoñ ke chahchahāne meñ bal paḌ ga.e haiñ

maiñ kafan hārne chalī thī

aur miTTī daryāft kar baiThī

dīvāroñ meñ īñTeñ marne lagīñ

maiñ utrī huuñ

tumhāre qadam kyoñ ghaT rahe haiñ

daar ne rihā.ī paa.ī koī na.ī sazā taqsīm karo

lahū meñ āvāz rah ga.ī

koī kaise kapḌe badal gayā

main apne libas phenkti ja rahi hun

shayad koi ThiThur raha ho

kal tumhein banT degi

aur miTTi pe koi sidhi rah nahin hai

charagh ne chughli sikhi

aur qatar mein fasla rakha

wo wahin rah gaya jahan se mujhe chalna tha

dagh kis ki chita pe jalenge

TuTe khilaune hathon se aazad hain

khel maidanon mein rahne lage

bin rassiyon pe bajai jaane lagi

parindon ke chahchahane mein bal paD gae hain

main kafan haarne chali thi

aur miTTi daryaft kar baiThi

diwaron mein inTen marne lagin

main utri hun

tumhaare qadam kyon ghaT rahe hain

dar ne rihai pai koi nai saza taqsim karo

lahu mein aawaz rah gai

koi kaise kapDe badal gaya