kutub-KHana

shu.ūr-o-fikr kā gahvāra ilm-o-fan kā amiiñ

varaq varaq jahāñ mahke haiñ rang-o-nūr ke phuul

luTā rahī hai jahāñ ḳhāmushī matā.a-e-usūl

jahāñ hayāt ke poshīda raaz hañste haiñ

sukūñ ke hoñToñ pe lafzoñ ke saaz hañste haiñ

jahāñ ma.ānī-o-asrār jagmagāte haiñ

tafakkurāt kī har lahza sham.a jaltī hai

ye raushnī to zamāne ke saath chaltī hai

azal se ġhaur-o-tafakkur hai aadmī kā amal

jalā rahā hai zamīñ par charāġh-e-soz-e-ġhazal

aur ek din mirī sāñsoñ pe koī chāñd ugā

maiñ ne ik manzil-e-maqsad kā nishāñ pā hī liyā

ek muddat se jo ojhal thā nazar se merī

vahī ehsās ujāloñ meñ ravāñ pā hī liyā

aaj khilte haiñ mirī sāñsoñ meñ qurbat ke gulāb

har tamanna mirī barbād nahīñ hotī hai

zaḳhm khātā huuñ to khil jaate haiñ shāḳhoñ pe gulāb

zindagī mā.il-e-fariyād nahīñ hotī hai

kaT rahe haiñ mirī hastī ke shab-o-roz jahāñ

ab bhī rangīn tabassum ke kañval khilte haiñ

vo ishāre jinheñ unvān-e-mohabbat kahiye

shoḳh nazroñ meñ mujhe raqs-kunāñ milte haiñ

lekin ai markaz-e-tahzīb-o-tamaddun mujh ko

yuuñ koī fikr-o-ġham-e-talḳhī-e-hālāt nahīñ

phir bhī jo baat tire naam se mansūb rahī

sab mayassar hai yahāñ sirf vahī baat nahīñ

shuur-o-fikr ka gahwara ilm-o-fan ka amin

waraq waraq jahan mahke hain rang-o-nur ke phul

luTa rahi hai jahan KHamushi mataa-e-usul

jahan hayat ke poshida raaz hanste hain

sukun ke honTon pe lafzon ke saz hanste hain

jahan maani-o-asrar jagmagate hain

tafakkuraat ki har lahza shama jalti hai

ye raushni to zamane ke sath chalti hai

azal se ghaur-o-tafakkur hai aadmi ka amal

jala raha hai zamin par charagh-e-soz-e-ghazal

aur ek din meri sanson pe koi chand uga

main ne ek manzil-e-maqsad ka nishan pa hi liya

ek muddat se jo ojhal tha nazar se meri

wahi ehsas ujalon mein rawan pa hi liya

aaj khilte hain meri sanson mein qurbat ke gulab

har tamanna meri barbaad nahin hoti hai

zaKHm khata hun to khil jate hain shaKHon pe gulab

zindagi mail-e-fariyaad nahin hoti hai

kaT rahe hain meri hasti ke shab-o-roz jahan

ab bhi rangin tabassum ke kanwal khilte hain

wo ishaare jinhen unwan-e-mohabbat kahiye

shoKH nazron mein mujhe raqs-kunan milte hain

lekin ai markaz-e-tahzib-o-tamaddun mujh ko

yun koi fikr-o-gham-e-talKHi-e-haalat nahin

phir bhi jo baat tere nam se mansub rahi

sab mayassar hai yahan sirf wahi baat nahin