kya farq paDta hai

tumhārā des kaun sā hai

yā agar hamārī taḳhtiyoñ pe judā.ī likhī ho

aur duurī kabhī tai na kī jā saktī ho

kyā farq paḌtā hai

agar kahīñ kisī zamāne kisī maqām kisī had par

maiñ aur tum ek dūsre ke liye

sirf ek maddham hotā huā nuqta hoñ

aur tamām safar be-ma.anī ho

maiñ jāntī huuñ ki na.ī zamīn tumheñ raas aa ga.ī hai

tumhāre pairoñ meñ ārām-dah jo guzar haiñ

aur raste itmīnān bhare haiñ

to phir is se kyā farq paḌtā hai

ki tum lakīr ke kis taraf rahte ho aur maiñ kis taraf

or ye ki donoñ atrāf ke din raat

ek dūsre se kitne muḳhtalif haiñ

merī āñkheñ tumhārī yaad se vuzū kartī haiñ

aur

dil tumheñ mohabbat ke hadiye bhejte nahīñ thaktā

tumhaara des kaun sa hai

ya agar hamari taKHtiyon pe judai likhi ho

aur duri kabhi tai na ki ja sakti ho

kya farq paDta hai

agar kahin kisi zamane kisi maqam kisi had par

main aur tum ek dusre ke liye

sirf ek maddham hota hua nuqta hon

aur tamam safar be-mani ho

main jaanti hun ki nai zamin tumhein ras aa gai hai

tumhaare pairon mein aaram-dah jo guzar hain

aur raste itminan bhare hain

to phir is se kya farq paDta hai

ki tum lakir ke kis taraf rahte ho aur main kis taraf

or ye ki donon atraf ke din raat

ek dusre se kitne muKHtalif hain

meri aankhen tumhaari yaad se wuzu karti hain

aur

dil tumhein mohabbat ke hadiye bhejte nahin thakta