kyon kahin baiTh ke dam lete nahin ek ghaDi

kis taraf dauḌe chale jaate ho tum yuuñ sarpaT

kaun sī manzil-e-maqsūd pe āñkheñ haiñ gaḌī

kyoñ lubhāte nahīñ raste ke nazāre tum ko

kyoñ kahīñ baiTh ke dam lete nahīñ ek ghaḌī

justujū kaun se fardā kī hai jis kī ḳhātir

tum ne imroz ke pal-pal ko hai nāshād kiyā

kaun jaane vo kabhī aa.egā bhī yā ki nahīñ

tum ne jis kal ke liye aaj hai barbād kiyā

is tarah jiinā to ai dost jahālat hai baḌī

kyoñ kahīñ baiTh ke dam lete nahīñ ek ghaḌī

dauḌ ye kaisī hai hāsil hai bhalā kyā is kā

rizq kis kaam agar ruuh nahīñ hai raazī

pā ke sab kuchh bhī lagegā ki nahīñ kuchh paayā

jiit kar haar hī jāoge tum āḳhir baazī

is qadar kis liye bolo tumheñ jaldī hai paḌī

kyoñ kahīñ baiTh ke dam lete nahīñ ek ghaḌī

haath aayā hai kisī ke kabhī mustaqbil kyā

be-sabab aise chhalāve kā karo mat pīchhā

daulat-e-naqd to hai sirf ye vaqt-e-hāzir

chhoḌ kar naqd udhārī kā karo mat saudā

jo ghaḌī haath hai aa.ī hai vo anmol ghaḌī

ḳhuub jī-bhar ke jiyo ziist kī har ek ghaḌī

kis taraf dauḌe chale jaate ho tum yuuñ sarpaT

kyoñ kahīñ baiTh ke dam lete nahīñ ek ghaḌī

kis taraf dauDe chale jate ho tum yun sarpaT

kaun si manzil-e-maqsud pe aankhen hain gaDi

kyon lubhate nahin raste ke nazare tum ko

kyon kahin baiTh ke dam lete nahin ek ghaDi

justuju kaun se farda ki hai jis ki KHatir

tum ne imroz ke pal-pal ko hai nashad kiya

kaun jaane wo kabhi aaega bhi ya ki nahin

tum ne jis kal ke liye aaj hai barbaad kiya

is tarah jina to ai dost jahaalat hai baDi

kyon kahin baiTh ke dam lete nahin ek ghaDi

dauD ye kaisi hai hasil hai bhala kya is ka

rizq kis kaam agar ruh nahin hai raazi

pa ke sab kuchh bhi lagega ki nahin kuchh paya

jit kar haar hi jaoge tum aaKHir bazi

is qadar kis liye bolo tumhein jaldi hai paDi

kyon kahin baiTh ke dam lete nahin ek ghaDi

hath aaya hai kisi ke kabhi mustaqbil kya

be-sabab aise chhalawe ka karo mat pichha

daulat-e-naqd to hai sirf ye waqt-e-hazir

chhoD kar naqd udhaari ka karo mat sauda

jo ghaDi hath hai aai hai wo anmol ghaDi

KHub ji-bhar ke jiyo zist ki har ek ghaDi

kis taraf dauDe chale jate ho tum yun sarpaT

kyon kahin baiTh ke dam lete nahin ek ghaDi