kyunki hum mahi-gir the

ham māhī-gīr the

chamakte pāniyoñ meñ chamaktī machhliyāñ pakaḌne vaale

niile samundar aur niile āsmān ke darmiyān phailī huī

niilī dhuup hamāre jismoñ meñ utar ga.ī thī

jis se raat kī tārīkī meñ

hamārī āñkheñ raushan rahtī thiiñ

aur hamāre baal

sone chāñdī ke tāroñ kī tarah jagmagāte the

phir yuuñ huā

ki niilā samundar ḳhushk ho gayā

niile āsmān meñ surḳh Dore paḌ ga.e

aur qismat ne hameñ charvāhe banā diyā

hamāre maidānoñ kā sabza bhī bahut hasīn hai

aur chhitnār peḌoñ ke saa.e bhī bahut ḳhushk haiñ

lekin hamāre andar basī huī niilī dhuup

hameñ betāb rakhtī hai

aur raat kī tārīkī meñ hamārī raushan āñkheñ

ab bhī chamaktī machhliyoñ ko DhūñDhtī haiñ

kyūñki ham māhī-gīr the

hum mahi-gir the

chamakte paniyon mein chamakti machhliyan pakaDne wale

nile samundar aur nile aasman ke darmiyan phaili hui

nili dhup hamare jismon mein utar gai thi

jis se raat ki tariki mein

hamari aankhen raushan rahti thin

aur hamare baal

sone chandi ke taron ki tarah jagmagate the

phir yun hua

ki nila samundar KHushk ho gaya

nile aasman mein surKH Dore paD gae

aur qismat ne hamein charwahe bana diya

hamare maidanon ka sabza bhi bahut hasin hai

aur chhitnar peDon ke sae bhi bahut KHushk hain

lekin hamare andar basi hui nili dhup

hamein betab rakhti hai

aur raat ki tariki mein hamari raushan aankhen

ab bhi chamakti machhliyon ko DhunDhti hain

kyunki hum mahi-gir the