la-maujud

shikasta ghar hai

dahakte āñgan meñ sin-rasīda shajar ke patte bikhar chuke haiñ

parindagāñ jo yahāñ chahakne meñ mahv rahte the

ḳhāmushī kī siloñ ke nīche dabe paḌe haiñ

sileñ jo ghar kī udhaḌtī chhat se kalām kartīñ to raushnī ko qarār miltā

qarār jis ne bujhe charāġhoñ kī hairatoñ ko sabāt baḳhshā

ufuq se aage

hamāre hīloñ

fareb dete hue bahānoñ kī qadr kam thī

so ham baqā se fanā kī jānib palaT rahe haiñ

ḳhamīr-e-ādam hai isti.āra shikastagī kā

ḳhalā se bāhar hamāre hone kī kahkashā.eñ

sarak rahī haiñ

shikasta ghar hai

dahakte aangan mein sin-rasida shajar ke patte bikhar chuke hain

parindagan jo yahan chahakne mein mahw rahte the

KHamushi ki silon ke niche dabe paDe hain

silen jo ghar ki udhaDti chhat se kalam kartin to raushni ko qarar milta

qarar jis ne bujhe charaghon ki hairaton ko sabaat baKHsha

ufuq se aage

hamare hilon

fareb dete hue bahanon ki qadr kam thi

so hum baqa se fana ki jaanib palaT rahe hain

KHamir-e-adam hai istiara shikastagi ka

KHala se bahar hamare hone ki kahkashaen

sarak rahi hain