lackadaisical

ab vo

ghar ke har kone se

drawing-rōm ke ash-tray se

kitchen meñ kuuḌe ke Dabbe se

jahāñ kahīñ bhī

bujhī huī māchis kī tiilī

mil jaa.e chuntā rahtā hai

aur kisī tanhā goshe meñ

māchis kī ik ik tiilī ko

baarī baarī

apnī āñkhoñ ke aage rakhtā hai

aise meñ us shaḳhs kī sāñseñ

tez tez chalne lagtī haiñ

āñkheñ sho'la ho jaatī haiñ

phir vo

māchis kī bujhī huī har ik tiilī ko

zor zor se

dāñtoñ se kuchlā kartā hai

aur aise meñ

ghar kā koī fard nazar aa jaa.e

to pahle hañs detā hai

hañste-hañste ro paḌtā hai

der der tak

zār-zār rotā rahtā hai

ab wo

ghar ke har kone se

drawing-room ke ash-tray se

kitchen mein kuDe ke Dabbe se

jahan kahin bhi

bujhi hui machis ki tili

mil jae chunta rahta hai

aur kisi tanha goshe mein

machis ki ek ek tili ko

bari bari

apni aankhon ke aage rakhta hai

aise mein us shaKHs ki sansen

tez tez chalne lagti hain

aankhen sho'la ho jati hain

phir wo

machis ki bujhi hui har ek tili ko

zor zor se

danton se kuchla karta hai

aur aise mein

ghar ka koi fard nazar aa jae

to pahle hans deta hai

hanste-hanste ro paDta hai

der der tak

zar-zar rota rahta hai