lafzon ki dukan mein

kaalī billī ne ye bhī nahīñ sochā ki maiñ kisī niiñd meñ ḳhalal ho rahī huuñ

us ko to chūhoñ se matlab hai

aur ye kam-baḳht apnī biloñ meñ chhupe kyuuñ nahīñ rahte

azal se yahī ho rahā hai

ghaḌī ne shāyad baara bajā diye haiñ

ye ḳhudā ke ārām kā vaqt hai

aur vo shab bedār use sone nahīñ dete

apne burte par gunāh karte to duāoñ kī naubat hī kyuuñ aatī

lekin ye baat un kī samajh meñ nahīñ aa.egī

bātoñ ke pher ne hī ham ko janam diyā hai

varna zamīñ ke kokh kahāñ thī

phir ham ne jannat banā.ī aur use jahannam meñ jhoñk diyā

ab ye pahchānñā baḌā mushkil hai ki kaun kahāñ se shurūa hotā hai aur kaun kahāñ ḳhatm hotī hai

pahle dā.eroñ se zāviye nikalte the

ab zāviye dā.ere banāte haiñ

muḳhtasar ye ki dalīloñ ne apnā kaam chhoḌ diyā hai

kali billi ne ye bhi nahin socha ki main kisi nind mein KHalal ho rahi hun

us ko to chuhon se matlab hai

aur ye kam-baKHt apni bilon mein chhupe kyun nahin rahte

azal se yahi ho raha hai

ghaDi ne shayad bara baja diye hain

ye KHuda ke aaram ka waqt hai

aur wo shab bedar use sone nahin dete

apne burte par gunah karte to duaon ki naubat hi kyun aati

lekin ye baat un ki samajh mein nahin aaegi

baaton ke pher ne hi hum ko janam diya hai

warna zamin ke kokh kahan thi

phir hum ne jannat banai aur use jahannam mein jhonk diya

ab ye pahchanna baDa mushkil hai ki kaun kahan se shurua hota hai aur kaun kahan KHatm hoti hai

pahle daeron se zawiye nikalte the

ab zawiye daere banate hain

muKHtasar ye ki dalilon ne apna kaam chhoD diya hai