lahu ko zoom karte hain

darīche se jahāñ tak bhī nazar aatā hai

musalsal ḳhāmushī hai

saḌak kī piilī lakīr

sar pīTtī hai

duur tak fōt-pāth par rauñde hue saa.e

poll par bijlī ke khambe se laTaktī ek chamgādaḌ

sub.h kā zard chehrā raat ke andoh kā ahvāl ek chaupāya

aur nukkaḌ par khaḌe ho tum

musalsal ḳhāmushī hai

darīche se jahāñ tak bhī nazar aatā hai

musalsal ḳhāmushī hai

mire kamre ke andar

haañ magar tārīḳh raushan hai

hazāroñ saal ke tajrabe bāñheñ pasāre aise baiThe haiñ

ki jaise shahr bhar kī ḳhāmoshī se mutma.in huuñ

mere computer kī Desktop

kal kī ik tasvīr apnī kahānī boltī hai

na jaane kyuuñ ye manzar dekhte hī

saḌak par phir shor o girya jaag uThtā hai

saroñ kī bhiiḌ ugtī hai

ravāñ rahte haiñ saa.e

ba-juz is ke musalsal ḳhāmoshī hai

magar dil chāhtā hai ḳhāmoshī ko aise toḌūñ

tumhāre paas jā.ūñ

aur kahūñ bandūq ko nīche karo

aao nā mirī Desktop par kal kā photo tum bhī dekho

tum bhī dekho

maiñ lahū ko zoom kartā huuñ

dariche se jahan tak bhi nazar aata hai

musalsal KHamushi hai

saDak ki pili lakir

sar piTti hai

dur tak foot-path par raunde hue sae

poll par bijli ke khambe se laTakti ek chamgadaD

subh ka zard chehra raat ke andoh ka ahwal ek chaupaya

aur nukkaD par khaDe ho tum

musalsal KHamushi hai

dariche se jahan tak bhi nazar aata hai

musalsal KHamushi hai

mere kamre ke andar

han magar tariKH raushan hai

hazaron sal ke tajrabe banhen pasare aise baiThe hain

ki jaise shahr bhar ki KHamoshi se mutmain hun

mere computer ki Desktop

kal ki ek taswir apni kahani bolti hai

na jaane kyun ye manzar dekhte hi

saDak par phir shor o girya jag uThta hai

saron ki bhiD ugti hai

rawan rahte hain sae

ba-juz is ke musalsal KHamoshi hai

magar dil chahta hai KHamoshi ko aise toDun

tumhaare pas jaun

aur kahun banduq ko niche karo

aao na meri Desktop par kal ka photo tum bhi dekho

tum bhi dekho

main lahu ko zoom karta hun