lamha jo amar ho gaya

fitrat-e-muztarib

merā shauq-e-fuzūl

jaane kab ik kitāb

shelf se terī le aaya thā

yaad kī terī purvā.ī kal jo chalī

bol uThe us ke saare varaq

tere lab ke gulāb

terī āñkhoñ ke jaam

tere mukhḌe kī sub.h

terī zulfoñ kī shaam

mustaqil ik ḳhalish

dard-e-be-nām jis ko kaheñ

aur phir

chand safhoñ ke baa'd

gul kī ik pankhuḌī

zard murjhā.ī be-rang sī

jism kī tere ḳhushbū thī us meñ magar

thī nazākat laboñ kī tire

uñgliyoñ ke nishāñ

āñsūoñ kī namī

merī nazroñ ne phir

us ko sajda kiyā

aur vo lamha jaise amar ho gayā

fitrat-e-muztarib

mera shauq-e-fuzul

jaane kab ek kitab

shelf se teri le aaya tha

yaad ki teri purwai kal jo chali

bol uThe us ke sare waraq

tere lab ke gulab

teri aankhon ke jam

tere mukhDe ki subh

teri zulfon ki sham

mustaqil ek KHalish

dard-e-be-nam jis ko kahen

aur phir

chand safhon ke ba'd

gul ki ek pankhuDi

zard murjhai be-rang si

jism ki tere KHushbu thi us mein magar

thi nazakat labon ki tere

ungliyon ke nishan

aansuon ki nami

meri nazron ne phir

us ko sajda kiya

aur wo lamha jaise amar ho gaya