lauTa do meri tanhai

mai bhī hai saaqī bhī hai phir lutf-e-mai-ḳhāna nahīñ

merī bātoñ ko samajh le aisā dīvāna nahīñ

gardish-e-ayyām ne bhī mujh ko pahchānā nahīñ

phir se lauTā do ḳhudārā merī tanhā.ī mujhe

ranj-o-ġham dekhe haiñ maiñ ne aur ḳhushī bhī dekh lī

dīda-e-insāñ meñ qadr-e-zindagī bhī dekh lī

zaḳhm dil ke kyoñ kuredūñ dostī bhī dekh lī

phir se lauTā do ḳhudārā merī tanhā.ī mujhe

phir tasavvur shām-e-furqat kī taraf jaane lagā

shiddatoñ ke saath koī mujh ko yaad aane lagā

ab bharī mahfil meñ merā jī hī ghabrāne lagā

phir se lauTā do ḳhudārā merī tanhā.ī mujhe

mai bhi hai saqi bhi hai phir lutf-e-mai-KHana nahin

meri baaton ko samajh le aisa diwana nahin

gardish-e-ayyam ne bhi mujh ko pahchana nahin

phir se lauTa do KHudara meri tanhai mujhe

ranj-o-gham dekhe hain main ne aur KHushi bhi dekh li

dida-e-insan mein qadr-e-zindagi bhi dekh li

zaKHm dil ke kyon kuredun dosti bhi dekh li

phir se lauTa do KHudara meri tanhai mujhe

phir tasawwur sham-e-furqat ki taraf jaane laga

shiddaton ke sath koi mujh ko yaad aane laga

ab bhari mahfil mein mera ji hi ghabrane laga

phir se lauTa do KHudara meri tanhai mujhe