Lay-by area

tum ne ġhaur se dekhā

tum jahāñ pe ho is vaqt

kal vahāñ pe ik laḌkī be-tahāshā hairat se tum ko apnī āñkhoñ meñ ghūñT ghūñT chuntī thī

tum jo sar jhukā kar yuuñ

be-ḳhabar se baiThe the

jānte nahīñ ho nā

vaqt kī na.ī dhun par

nazm ho rahe the tum

kyā tumhāre chehre par

apnī ḳhālī āñkhoñ se

koī nazm likkhegā

kyā ḳhabar ye hai tum ko

jab na aur kuchh sūjhe

tum nazar churāne ko apnā sail uThāte ho

us ghaḌī meñ bhī tum ne

jhilmilātī āñkhoñ se

phir nazar churāne ko

apnā sail uThāyā hai

be-panāh mohabbat ke

kapkapāte hāthoñ kī saarī uljhī rekhā.eñ tum ne dekh lī thiiñ nā

phir usī jagah tum ko

kyā milā koī aisā

jis ke haath par tum ne apnā haath rakkhā to us kī ruuh tak kāñpī

jab kisī kī chhāñv meñ

tez dhuup jaisī ik dopahar mayassar ho

us samay meñ kyā tum ne

ḳhud ko us kī āñkhoñ ke dasht se guzārā hai

kyā kisī ne bhī ab tak tum ko apnī sāñsoñ se jism meñ utārā hai

dekh kar batāo nā

jis jagah pe baiThe ho

hai vahāñ koī aisā

hai koī mire jaisā

tum ne ghaur se dekha

tum jahan pe ho is waqt

kal wahan pe ek laDki be-tahasha hairat se tum ko apni aankhon mein ghunT ghunT chunti thi

tum jo sar jhuka kar yun

be-KHabar se baiThe the

jaante nahin ho na

waqt ki nai dhun par

nazm ho rahe the tum

kya tumhaare chehre par

apni KHali aankhon se

koi nazm likkhega

kya KHabar ye hai tum ko

jab na aur kuchh sujhe

tum nazar churane ko apna sail uThate ho

us ghaDi mein bhi tum ne

jhilmilati aankhon se

phir nazar churane ko

apna sail uThaya hai

be-panah mohabbat ke

kapkapate hathon ki sari uljhi rekhaen tum ne dekh li thin na

phir usi jagah tum ko

kya mila koi aisa

jis ke hath par tum ne apna hath rakkha to us ki ruh tak kanpi

jab kisi ki chhanw mein

tez dhup jaisi ek dopahar mayassar ho

us samay mein kya tum ne

KHud ko us ki aankhon ke dasht se guzara hai

kya kisi ne bhi ab tak tum ko apni sanson se jism mein utara hai

dekh kar batao na

jis jagah pe baiThe ho

hai wahan koi aisa

hai koi mere jaisa