likh rahi hun tumhein

likh rahī huuñ tumheñ

apne dil ke sunahre varq pe abhī

dekhnā tum ujāloñ kī yūrish meñ

kaise nikhartī huuñ maiñ

maiñ ne maanā ki guzre dinoñ kī tamāzat meñ jhulsā hai man

maiñ ne maanā havas ke ḳharājāt meñ mar gayā hai badan

shabnamī raat kī aas meñ āñkheñ banjar huiiñ

chāñd kī raushnī se havāsoñ pe chhāle paḌe

maiñ ne sūraj se āñkheñ churāne kī koshish nahīñ kī kabhī

maiñ ne apne lahū ko bachā kar rakhā thā

likkhūñgī kisī din sunahre varaq pe vo ik ahmarīñ naam

jis kī chamak mere saare añdheroñ ko zaa.il karegī

likhūñgī havāoñ ke āñchal pe tum ko

likhūñgī maiñ indar-dhanush kī kamāñ par

likkhūñgī tumheñ apne vahm-o-gumāñ par

tumheñ likh rahī huuñ maiñ jharnoñ kī dhun par

tumheñ likh rahī huuñ maiñ chiḌiyoñ kī gat par

mire āñsūoñ ne mirī ruuh ko nam rakhā hai abhī tak

tumheñ likh rahī huuñ maiñ un ankuroñ par

jinhoñ ne tumheñ

ek chhitnār karne kā va.ada kiyā hai

likh rahi hun tumhein

apne dil ke sunahre warq pe abhi

dekhna tum ujalon ki yurish mein

kaise nikharti hun main

main ne mana ki guzre dinon ki tamazat mein jhulsa hai man

main ne mana hawas ke KHarajat mein mar gaya hai badan

shabnami raat ki aas mein aankhen banjar huin

chand ki raushni se hawason pe chhaale paDe

main ne suraj se aankhen churane ki koshish nahin ki kabhi

main ne apne lahu ko bacha kar rakha tha

likkhungi kisi din sunahre waraq pe wo ek ahmarin nam

jis ki chamak mere sare andheron ko zail karegi

likhungi hawaon ke aanchal pe tum ko

likhungi main indar-dhanush ki kaman par

likkhungi tumhein apne wahm-o-guman par

tumhein likh rahi hun main jharnon ki dhun par

tumhein likh rahi hun main chiDiyon ki gat par

mere aansuon ne meri ruh ko nam rakha hai abhi tak

tumhein likh rahi hun main un ankuron par

jinhon ne tumhein

ek chhitnar karne ka wada kiya hai