malik ka ehsan

duniyā bhar meñ insānoñ ke jiine kā sāmān huā hai

jānvaroñ kā mulkoñ mulkoñ rozāna gun-gān huā hai

bhaiñseñ goyā duudh kī kāneñ kār-āmad haiñ ghoḌe bail

lamha bhar ko bhī aayā kab bechāroñ ke dil meñ mail

kuttā apnī khetī baaḌī aur ghar kā darbān huā hai

jānvaroñ kā mulkoñ mulkoñ rozāna gun-gān huā hai

uuñT azal se insānoñ ko sahrā sahrā paar karā.īñ

hāthī saare jangal jangal bhārī bhārī bojh uThā.eñ

circus meñ bhīgī billī sā jangal kā sultān huā hai

jānvaroñ kā mulkoñ mulkoñ rozāna gun-gān huā hai

reindēr jī shaam savere barf meñ gaaḌī khīñch rahe haiñ

bail hamāre sadiyoñ se ye khet hamāre sīñch rahe haiñ

jānvar aise aa.e mayassar mālik kā ehsān huā hai

jānvaroñ kā mulkoñ mulkoñ rozāna gun-gān huā hai

bhālū chham-chham naach dikhā.e billī apnā dil bahlā.e

mujrim kī bū sūñgh ke kuttā ghar baiThe insāf dilā.e

ghoḌe par sasurāl meñ jaanā dūlhe ko āsān huā hai

jānvaroñ kā mulkoñ mulkoñ rozāna gun-gān huā hai

duniya bhar mein insanon ke jine ka saman hua hai

jaanwaron ka mulkon mulkon rozana gun-gan hua hai

bhainsen goya dudh ki kanen kar-amad hain ghoDe bail

lamha bhar ko bhi aaya kab bechaaron ke dil mein mail

kutta apni kheti baDi aur ghar ka darban hua hai

jaanwaron ka mulkon mulkon rozana gun-gan hua hai

unT azal se insanon ko sahra sahra par karain

hathi sare jangal jangal bhaari bhaari bojh uThaen

circus mein bhigi billi sa jangal ka sultan hua hai

jaanwaron ka mulkon mulkon rozana gun-gan hua hai

reindeer ji sham sawere barf mein gaDi khinch rahe hain

bail hamare sadiyon se ye khet hamare sinch rahe hain

jaanwar aise aae mayassar malik ka ehsan hua hai

jaanwaron ka mulkon mulkon rozana gun-gan hua hai

bhaalu chham-chham nach dikhae billi apna dil bahlae

mujrim ki bu sungh ke kutta ghar baiThe insaf dilae

ghoDe par sasural mein jaana dulhe ko aasan hua hai

jaanwaron ka mulkon mulkon rozana gun-gan hua hai