aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mazarat

Munawwar Jameel

mazarat

Munawwar Jameel

MORE BYMunawwar Jameel

    koī nazm kaise kaheñ ki ham

    na charāġh haiñ

    na misāl-e-harf-e-gulāb haiñ

    na ḳhayāl haiñ

    na kisī aañkh ḳhvāb haiñ

    kisī gum-shuda vafāoñ

    kisī shaam meñ

    jo bichhaḌ ga.e

    to bichhaḌne vāloñ yaad meñ

    kahīñ ret haiñ

    kahīñ ashk-e-ġham ġhubār haiñ

    vo jo dasht

    hijr hai kahīñ

    isī dasht-e-shām judā.ī ke

    ye jo daaġh haiñ

    tirī yaad ke

    tire ba.ad ke

    koī nazm kaise kaheñ ki ham

    na charāġh haiñ

    na misāl-e-harf-e-gulāb haiñ

    na ḳhayāl haiñ

    na kisī aañkh ḳhvāb haiñ

    ye jo shahr hai

    to ye shahr bhī

    saf-e-dushmanāñ se milā huā

    ye jo log haiñ

    to ye log bhī

    kahāñ jānte haiñ ki kyā huā

    koī nazm kaise kahīñ

    ki ham

    ye fazā aisī nahīñ rahī

    jo charāġh koī jalā.eñ ham

    to havā aisī

    nahīñ rahī

    tahī-e-fikr aise hue haiñ ham

    tire ḳhāl-o-ḳhad bayāñ bhī ab

    na hamāre dast-e-hunar meñ thā

    na hamāre dast-e-hunar meñ hai

    koi nazm kaise kahen ki hum

    na charagh hain

    na misal-e-harf-e-gulab hain

    na KHayal hain

    na kisi ki aankh ka KHwab hain

    kisi gum-shuda si wafaon ki

    kisi sham mein

    jo bichhaD gae

    to bichhaDne walon ki yaad mein

    kahin ret hain

    kahin ashk-e-gham ka ghubar hain

    wo jo dasht

    hijr ka hai kahin

    isi dasht-e-sham judai ke

    ye jo dagh hain

    teri yaad ke

    tere baad ke

    koi nazm kaise kahen ki hum

    na charagh hain

    na misal-e-harf-e-gulab hain

    na KHayal hain

    na kisi ki aankh ka KHwab hain

    ye jo shahr hai

    to ye shahr bhi

    saf-e-dushmanan se mila hua

    ye jo log hain

    to ye log bhi

    kahan jaante hain ki kya hua

    koi nazm kaise kahin

    ki hum

    ye faza hi aisi nahin rahi

    jo charagh koi jalaen hum

    to hawa hi aisi

    nahin rahi

    tahi-e-fikr aise hue hain hum

    tere KHal-o-KHad ka bayan bhi ab

    na hamare dast-e-hunar mein tha

    na hamare dast-e-hunar mein hai

    Source:

    Muntakhab Shahkar Nazmon Ka Album) (Pg. 506)

    • Author: Munavvar Jameel
      • Edition: 2000
      • Publisher: Haji Haneef Printer Lahore
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now