madari

bachcho maiñ huuñ ek madārī faizū merā naam

kartab ḳhuub dikhātā huuñ maiñ ye hai merā kaam

kar ke ik rūmāl ke TukḌe fauran duuñ maiñ joḌ

rassī ko bhī joḌ dikhā.ūñ duuñ jab us ko toḌ

seboñ ko angūr banā.ūñ amrūdoñ ko aam

kartab ḳhuub dikhātā huuñ maiñ ye hai merā kaam

ik mantar se kar detā huuñ aane do ke chaar

pagḌī se maiñ geñd nikālūñ rail banā duuñ car

karte haiñ is fan ko mere sab hī log salām

kartab ḳhuub dikhātā huuñ maiñ ye hai merā kaam

ḳhālī Dabbe se jo aaj kabūtar bhare uḌaan

bachcho mere kartab ko tum jāoge nā maan

mehnat kā phir pā.ūñgā har ik se maiñ in'ām

kartab ḳhuub dikhātā huuñ maiñ ye hai merā kaam

khaa.e bin hī paan agar maiñ kar luuñ muñh rangīn

phir to kareñge kārīgarī kā merī aap yaqīn

achchhā har vo kaam hai jis kā achchhā ho anjām

kartab ḳhuub dikhātā huuñ maiñ ye hai merā kaam

bachcho main hun ek madari faizu mera nam

kartab KHub dikhata hun main ye hai mera kaam

kar ke ek rumal ke TukDe fauran dun main joD

rassi ko bhi joD dikhaun dun jab us ko toD

sebon ko angur banaun amrudon ko aam

kartab KHub dikhata hun main ye hai mera kaam

ek mantar se kar deta hun aane do ke chaar

pagDi se main gend nikalun rail bana dun car

karte hain is fan ko mere sab hi log salam

kartab KHub dikhata hun main ye hai mera kaam

KHali Dabbe se jo aaj kabutar bhare uDan

bachcho mere kartab ko tum jaoge na man

mehnat ka phir paunga har ek se main in'am

kartab KHub dikhata hun main ye hai mera kaam

khae bin hi pan agar main kar lun munh rangin

phir to karenge karigari ka meri aap yaqin

achchha har wo kaam hai jis ka achchha ho anjam

kartab KHub dikhata hun main ye hai mera kaam