magar-machh ke aansu

sunte haiñ yaad musībat meñ ḳhudā aatā hai

aasrā ik yahī majbūr kī taqdīr meñ rah jaatā hai

''khol do band kalīsāoñ ke dar khol bhī do

maanā mānūs nahīñ haath duāoñ se duā.eñ māñgeñ

mamlikat par kahīñ ḳhurshīd na ho jaa.e ġhurūb

hukm de do ki sabhī apne ḳhudāoñ se duā.eñ māñgeñ''

jī pe ban jaa.e to zillat bhī uThā lete haiñ

sunte haiñ baap musībat meñ gad.he ko bhī banā lete haiñ

''nāg hai apnā muāvin to koī baat nahīñ

kaam lenā hai hameñ naag ḳhazāne pe biThā lo apne

shahad kā ghūñT samajh kar sam-e-qātil pī jaao

kisī qīmat kisī ujrat pe use saath milā milā lo apne''

saarā dhan jaatā hai to nisf luTā dete haiñ

sunte haiñ bachche jo chīḳheñ unheñ afyūn khilā dete haiñ

''sab ko baḳhsheñge masā.ib kī salāsil se najāt

jañg laḌte haiñ sadāqat kii, musāvāt kī elaan karo

apnī man-mānī hī āḳhir meñ kareñge ab to

dahr ko va.ada-e-pur-kaif se minnat-kash-e-ehsān karo

naag Dastā hai, use duudh pilāo kitnā

sūkhī bairī se kabhī bair nahīñ jhaḌte, hilāo kitnā''

''ahd-e-ālām bhī ma.adūm, ḳhudā bhī ma.adūm

koī ḳhadsha nahīñ phir se sitam-o-jaur ko arzāñ kar lo

fat.h kā jashn manānā hai magar dhuum ke saath

apne ghar husn se yā ḳhuun kī būñdoñ se charāġhāñ kar lo

apne mahkūmoñ kī hastī bhī koī hastī hai

ye to va.adoñ pe bhī jī sakte haiñ un se na.e paimāñ kar lo''

tīrgī baḌhtī hai tūfān umaD aatā hai

badliyāñ chhā ke barastī haiñ falak phir se nikhar jaatā hai

sunte hain yaad musibat mein KHuda aata hai

aasra ek yahi majbur ki taqdir mein rah jata hai

khol do band kalisaon ke dar khol bhi do

mana manus nahin hath duaon se duaen mangen

mamlikat par kahin KHurshid na ho jae ghurub

hukm de do ki sabhi apne KHudaon se duaen mangen

ji pe ban jae to zillat bhi uTha lete hain

sunte hain bap musibat mein gadhe ko bhi bana lete hain

nag hai apna muawin to koi baat nahin

kaam lena hai hamein nag KHazane pe biTha lo apne

shahad ka ghunT samajh kar sam-e-qatil pi jao

kisi qimat kisi ujrat pe use sath mila mila lo apne

sara dhan jata hai to nisf luTa dete hain

sunte hain bachche jo chiKHen unhen afyun khila dete hain

sab ko baKHshenge masaib ki salasil se najat

jang laDte hain sadaqat ki, musawat ki elan karo

apni man-mani hi aaKHir mein karenge ab to

dahr ko wada-e-pur-kaif se minnat-kash-e-ehsan karo

nag Dasta hai, use dudh pilao kitna

sukhi bairi se kabhi bair nahin jhaDte, hilao kitna

ahd-e-alam bhi madum, KHuda bhi madum

koi KHadsha nahin phir se sitam-o-jaur ko arzan kar lo

fath ka jashn manana hai magar dhum ke sath

apne ghar husn se ya KHun ki bundon se charaghan kar lo

apne mahkumon ki hasti bhi koi hasti hai

ye to wadon pe bhi ji sakte hain un se nae paiman kar lo

tirgi baDhti hai tufan umaD aata hai

badliyan chha ke barasti hain falak phir se nikhar jata hai