magar ye kah nahin sakta

batāo jān-e-jāñ mere

ki ghar kab lauT aaoge

kabhī vāpas na jāoge

abhī to aa.e the milne

abhī jaane lage ho phir

na jaane kitne shikve the

tumheñ maiñ ne sunāne the

ka.ī bāteñ adhūrī thiiñ

jo tum ne mujh se kahnī thiiñ

ki tum jaldī meñ rahte ho

hamesha hī ye kahte ho

ka.ī sadiyāñ yahāñ bītīñ

ka.ī mausam yahāñ guzre

tumhārī chāhatoñ meñ gum

tumhārī āhaToñ meñ gum

vafā jo māñgtī ho tum

magar ye jāntī ho tum

mujhe fursat nahīñ pal kī

ki mujh ko haiñ bahut se kaam

abhī gardish meñ haiñ ayyām

tumheñ bas ek hī dhun

ki maiñ bāteñ karūñ tum se

yahī kahtā rahūñ tum se

zamīn par maiñ jo aaya huuñ

vafā terī hī laayā huuñ

tirā jīvan-sahārā huuñ

qasam se maiñ tumhārā huuñ

zarā mujh ko batāo nā

jahāñ meñ kaun hai aisā

ki sāthī paa.e tum jaisā

to us kā jī nahīñ chāhe

hamesha pyaar karne ko

hasīñ iqrār karne ko

magar maiñ kyā karūñ jānāñ

zarūrat vaqt kī ye hai

ka.ī bandhan nibhāne haiñ

hameñ aañsū bahāne haiñ

maiñ jab bhī jaane lagtā huuñ

ye pūchhā mat karo mujh se

batāo jān-e-jāñ mere

ki ghar kab lauT aaoge

kabhī vāpas na jāoge

yahī bas yaad rakkho tum

mirā vā'da hai ye tum se

mujhe fursat milī jab bhī

to phir maiñ lauT ā.uñgā

magar ye kah nahīñ saktā

ki vāpas phir na jā.uñgā

batao jaan-e-jaan mere

ki ghar kab lauT aaoge

kabhi wapas na jaoge

abhi to aae the milne

abhi jaane lage ho phir

na jaane kitne shikwe the

tumhein main ne sunane the

kai baaten adhuri thin

jo tum ne mujh se kahni thin

ki tum jaldi mein rahte ho

hamesha hi ye kahte ho

kai sadiyan yahan bitin

kai mausam yahan guzre

tumhaari chahaton mein gum

tumhaari aahaTon mein gum

wafa jo mangti ho tum

magar ye jaanti ho tum

mujhe fursat nahin pal ki

ki mujh ko hain bahut se kaam

abhi gardish mein hain ayyam

tumhein bas ek hi dhun

ki main baaten karun tum se

yahi kahta rahun tum se

zamin par main jo aaya hun

wafa teri hi laya hun

tera jiwan-sahaara hun

qasam se main tumhaara hun

zara mujh ko batao na

jahan mein kaun hai aisa

ki sathi pae tum jaisa

to us ka ji nahin chahe

hamesha pyar karne ko

hasin iqrar karne ko

magar main kya karun jaanan

zarurat waqt ki ye hai

kai bandhan nibhane hain

hamein aansu bahane hain

main jab bhi jaane lagta hun

ye puchha mat karo mujh se

batao jaan-e-jaan mere

ki ghar kab lauT aaoge

kabhi wapas na jaoge

yahi bas yaad rakkho tum

mera wa'da hai ye tum se

mujhe fursat mili jab bhi

to phir main lauT aaunga

magar ye kah nahin sakta

ki wapas phir na jaunga