mahaz

meñ zālimoñ ke

ḳhilāf miTTī kā jism le kar khaḌā rahūñgā

zamīr jin ko bhī bechnā hai

vo bech deñ

maiñ nahīñ bikūñgā

aḌā rahūñgā

maiñ jāntā huuñ

ye bhiiḌ mujh ko to

ek lamhe meñ rauñd degī

to rauñd de phir

kise paḌī hai

zarā sī himmat bhī hai agar to

vo buzdilī se bahut baḌī hai

har ek dar

band ho bhī jaa.e

bhale darīchoñ ko ḳhauf aa.e

galī meñ koī bhī rah na jaa.e

maiñ zulm ke devtā kī āñkhoñ meñ aañkh Daale khaḌā rahūñgā

nahīñ haTūñgā

hai hukm-e-hākim

sab apne ghuTnoñ pe baiTh jaao

laboñ ko sī lo

nazar jhukā lo

zabāñ chabā lo

maiñ is se

inkār kar rahā huuñ

ye vaar chhoTā sahī

magar

maiñ khaḌā huuñ

yalġhār kar rahā huuñ

bhale

zabāñ par vo teġh rakh de

yā mere

pairoñ ko beḌiyāñ de

yā phir

salāḳhoñ se jism dāġhe

samāj

sotā rahe yā jaage

magar ye

kam to nahīñ jiyālo

ki log bhāge to ham na bhāge

mein zalimon ke

KHilaf miTTi ka jism le kar khaDa rahunga

zamir jin ko bhi bechna hai

wo bech den

main nahin bikunga

aDa rahunga

main jaanta hun

ye bhiD mujh ko to

ek lamhe mein raund degi

to raund de phir

kise paDi hai

zara si himmat bhi hai agar to

wo buzdili se bahut baDi hai

har ek dar

band ho bhi jae

bhale darichon ko KHauf aae

gali mein koi bhi rah na jae

main zulm ke dewta ki aankhon mein aankh Dale khaDa rahunga

nahin haTunga

hai hukm-e-hakim

sab apne ghuTnon pe baiTh jao

labon ko si lo

nazar jhuka lo

zaban chaba lo

main is se

inkar kar raha hun

ye war chhoTa sahi

magar

main khaDa hun

yalghaar kar raha hun

bhale

zaban par wo tegh rakh de

ya mere

pairon ko beDiyan de

ya phir

salaKHon se jism daghe

samaj

sota rahe ya jage

magar ye

kam to nahin jiyalo

ki log bhage to hum na bhage