mahrumi

tū bhī taqdīr nahīñ dard bhī pā.inda nahīñ

tujh se vābasta vo ik ahd vo paimān-e-vafā

raat ke āḳhirī aañsū kī tarah Duub gayā

ḳhvāb-añgez nigāheñ vo lab-e-dard-fareb

ik fasāna hai jo kuchh yaad rahā kuchh na rahā

mere dāman meñ na kaliyāñ haiñ na kāñTe na ġhubār

shaam ke saa.e meñ vāmāñda sahar baiTh ga.ī

kārvāñ lauT gayā mil na sakī manzil-e-shauq

ek ummīd thī so ḳhāk-basar baiTh ga.ī

ek do-rāhe pe hairān huuñ kis samt baḌhūñ

apnī zanjīroñ se āzād nahīñ huuñ shāyad

maiñ bhī gardish-e-gah-e-ayyām kā zindānī huuñ

dard hī dard huuñ fariyād nahīñ huuñ shāyad

zer-e-mizhgāñ tapish-e-āh ke pighlā.e hue

DabDabāte hue tāroñ se mujhe kyā lenā

tere aañsū mire dāġhoñ ko nahīñ dho sakte

tere phūloñ kī bahāroñ se mujhe kyā lenā

apne anjām kī tashvīsh ab ā.inda nahīñ

tu bhi taqdir nahin dard bhi painda nahin

tujh se wabasta wo ek ahd wo paiman-e-wafa

raat ke aaKHiri aansu ki tarah Dub gaya

KHwab-angez nigahen wo lab-e-dard-fareb

ek fasana hai jo kuchh yaad raha kuchh na raha

mere daman mein na kaliyan hain na kanTe na ghubar

sham ke sae mein wamanda sahar baiTh gai

karwan lauT gaya mil na saki manzil-e-shauq

ek ummid thi so KHak-basar baiTh gai

ek do-rahe pe hairan hun kis samt baDhun

apni zanjiron se aazad nahin hun shayad

main bhi gardish-e-gah-e-ayyam ka zindani hun

dard hi dard hun fariyaad nahin hun shayad

zer-e-mizhgan tapish-e-ah ke pighlae hue

DabDabaate hue taron se mujhe kya lena

tere aansu mere daghon ko nahin dho sakte

tere phulon ki bahaaron se mujhe kya lena

apne anjam ki tashwish ab aainda nahin