main kab likhunga git apni rihai ka

vo kahtī hai

mujhe tum se mohabbat hai

alī mere alī tum se mohabbat hai

vo sach kahtī hai sach kahtī rahī hai

abad kī āḳhirī shab tak vo sach kahtī rahegī

mujhe dīvār par us ne vahāñ Tāñgā huā hai

jahāñ se dekh saktā huuñ

zamīñ ke us taraf phailī ghanerī surma.ī tanhā.iyāñ

jo ḳhud us ne kabhī tahrīr kī hoñgī

akelī shaam ke ḳhāmosh hoñToñ par

magar jab se

vo ḳhud apnī ḳhabar meñ hai

use dīvār kī us dūsrī jānib kī koī bhī ḳhabar achchhī nahīñ lagtī

ḳhabar ne us ko kaisā be-ḳhabar rakhā huā hai

aur dīvār ko

dīvār ke pīchhe khaḌī

tanhā.iyoñ kī

mustatar lambī zabāneñ

chaaT kar kāġhaz banāne kā ilm meñ haiñ

maiñ us kāġhaz pe tab likhūñgā

giit apnī rihā.ī kā

wo kahti hai

mujhe tum se mohabbat hai

ali mere ali tum se mohabbat hai

wo sach kahti hai sach kahti rahi hai

abad ki aaKHiri shab tak wo sach kahti rahegi

mujhe diwar par us ne wahan Tanga hua hai

jahan se dekh sakta hun

zamin ke us taraf phaili ghaneri surmai tanhaiyan

jo KHud us ne kabhi tahrir ki hongi

akeli sham ke KHamosh honTon par

magar jab se

wo KHud apni KHabar mein hai

use diwar ki us dusri jaanib ki koi bhi KHabar achchhi nahin lagti

KHabar ne us ko kaisa be-KHabar rakha hua hai

aur diwar ko

diwar ke pichhe khaDi

tanhaiyon ki

mustatar lambi zabanen

chaT kar kaghaz banane ka ilm mein hain

main us kaghaz pe tab likhunga

git apni rihai ka