makan Khaali hai

vo jā chukā hai hamīñ ne use nikālā hai

ye kyā huā ki ik ik chiiz uTh ga.ī us kī

vo ek kone meñ rahtā thā par gayā jab se

har ek kone meñ rahtā dikhā.ī detā hai

chamak rahī haiñ dar-o-bām us kī tahrīreñ

Tahal rahī haiñ sadā.eñ yahāñ-vahāñ us kī

kahīñ pe naqsh hai us kī nigāh kā partav

khudī huī hai kahīñ us ke paañv kī aahaT

basā huā hai vo dīvār-o-dar ke siine meñ

bikhar chukā hai yahāñ ke har ek zarre meñ

ajiib tarah se ābād hai ye vīrānī

galā dabātā hai aaseb dam ulaTtā hai

ye vāhima hai

yahī āgahī to aa jaa.e

ḳhudā nahīñ na sahī aadmī to aa jaa.e

makān ḳhālī hai kab se koī to aa jaa.e

wo ja chuka hai hamin ne use nikala hai

ye kya hua ki ek ek chiz uTh gai us ki

wo ek kone mein rahta tha par gaya jab se

har ek kone mein rahta dikhai deta hai

chamak rahi hain dar-o-baam us ki tahriren

Tahal rahi hain sadaen yahan-wahan us ki

kahin pe naqsh hai us ki nigah ka partaw

khudi hui hai kahin us ke panw ki aahaT

basa hua hai wo diwar-o-dar ke sine mein

bikhar chuka hai yahan ke har ek zarre mein

ajib tarah se aabaad hai ye virani

gala dabaata hai aaseb dam ulaTta hai

ye wahima hai

yahi aagahi to aa jae

KHuda nahin na sahi aadmi to aa jae

makan KHali hai kab se koi to aa jae