mamnua soch

maiñ kaun huuñ

shāyad border par khaḌā vo sipāhī

jo apnī jaan kī parvā kiye baġhair

tiis hazār tanḳhvāh ke liye bahādur banā huā hai

yā phir vo tavā.if jo apnī

taklīf aur 'izzat kā saudā kar ke

paisoñ se 'ishq kar baiThī hai

yā vo naujavān jise har raah

chaltī aurat se 'ishq ho jaatā hai

aur aañkh laḌne se le kar

bistar par sone tak ke

safar ke baa'd vo 'ishq apne

iḳhtitām ko pahuñch jaatā hai

yā maiñ vo huuñ jinheñ aurat kī

bāhar niklī huī chhātiyoñ

se mohabbat ho ga.ī hai

jin kī soch aur nazar us

chhātī se haT nahīñ rahī

yā maiñ vo huuñ jis kī

mahbūba raat ke do baje

garm bistar par us ke

intizār meñ baiThī hai

shāyad maiñ un meñ se

koī bhī nahīñ

maiñ vo huuñ jo raat ke do baje

vīrān kamre meñ

nazmoñ se bāteñ kar rahā huuñ

khiḌkī mujh par hañs rahī hai aur

dīvāreñ ḳhāmoshī se mujhe dekh rahī haiñ

qalam mere alfāz ko bosa de rahā hai

main kaun hun

shayad border par khaDa wo sipahi

jo apni jaan ki parwa kiye baghair

tis hazar tanKHwah ke liye bahadur bana hua hai

ya phir wo tawaif jo apni

taklif aur 'izzat ka sauda kar ke

paison se 'ishq kar baiThi hai

ya wo naujawan jise har rah

chalti aurat se 'ishq ho jata hai

aur aankh laDne se le kar

bistar par sone tak ke

safar ke ba'd wo 'ishq apne

iKHtitam ko pahunch jata hai

ya main wo hun jinhen aurat ki

bahar nikli hui chhatiyon

se mohabbat ho gai hai

jin ki soch aur nazar us

chhati se haT nahin rahi

ya main wo hun jis ki

mahbuba raat ke do baje

garm bistar par us ke

intizar mein baiThi hai

shayad main un mein se

koi bhi nahin

main wo hun jo raat ke do baje

viran kamre mein

nazmon se baaten kar raha hun

khiDki mujh par hans rahi hai aur

diwaren KHamoshi se mujhe dekh rahi hain

qalam mere alfaz ko bosa de raha hai