mangal talab

haa.e vo tālāb haañ jis ke kināre par kabhī

chāñdnī rātoñ meñ bāñdhā tū ne ahd-e-dostī

ab bhī yaad aatī haiñ vo rangīñ mulāqāteñ mujhe

ḳhuun rulvātī haiñ ab bhī chāñdnī rāteñ mujhe

un kināroñ par abhī tak haiñ kuchh aise bhī nishāñ

jin ke sīnoñ meñ nihāñ hai ik mohabbat kā jahāñ

yaad haiñ ab tak mujhe ġham kī latāfat ke maze

vo sharābī muskurāhaT vo mohabbat ke maze

baiTh kar aksar ghanī shāḳhoñ kī ThanDī chhāñv meñ

maiñ ne pahnā.e haiñ moze tere nāzuk paañv meñ

husn kī mai pī ke har shai mast thī maḳhmūr thī

ishq ke naġhmoñ se ye saarī fazā māmūr thī

ai mire mahbūb sach kahnā tujhe bhī yaad hai

aah vo vaadī jo ab barsoñ se ġhair-ābād hai

hae wo talab han jis ke kinare par kabhi

chandni raaton mein bandha tu ne ahd-e-dosti

ab bhi yaad aati hain wo rangin mulaqaten mujhe

KHun rulwati hain ab bhi chandni raaten mujhe

un kinaron par abhi tak hain kuchh aise bhi nishan

jin ke sinon mein nihan hai ek mohabbat ka jahan

yaad hain ab tak mujhe gham ki latafat ke maze

wo sharabi muskurahaT wo mohabbat ke maze

baiTh kar aksar ghani shaKHon ki ThanDi chhanw mein

main ne pahnae hain moze tere nazuk panw mein

husn ki mai pi ke har shai mast thi maKHmur thi

ishq ke naghmon se ye sari faza mamur thi

ai mere mahbub sach kahna tujhe bhi yaad hai

aah wo wadi jo ab barson se ghair-abaad hai