manzar aur pas-manzar tum ho

sāhil par ik naam likhā thā

lekin maiñ ye bhuul gayā thā

dariyā se ik lahr uThī to naqsh ko dhuñdlā kar jā.egī

ret āñkhoñ meñ bhar jā.egī

ik patthar pe kanda karke naam tumhārā soch rahā thā

jo patthar pe likh jaate haiñ kyā vo chhoḌ diye jaate haiñ

patthar toḌ diye jaate haiñ

aur phir maiñ ne peḌ pe likh ke naam tumhārā ye sochā thā

ab ye naam ābād rahegā sar-sabz-o-shādāb rahegā

lekin maiñ ye bhuul gayā thā

peḌ girāyā jā saktā hai harf miTāyā jā saktā hai

dekheñ duniyā vaale kab tak jazboñ ko tasḳhīr kareñge

ham bhī ab ke naam tumhārā is dil par tahrīr kareñge

manzar manzar hairānī hai pas-manzar ābād hai tum se

jo kal tak vīrān paḌā thā

vo ghar ab ābād hai tum se

sahil par ek nam likha tha

lekin main ye bhul gaya tha

dariya se ek lahr uThi to naqsh ko dhundla kar jaegi

ret aankhon mein bhar jaegi

ek patthar pe kanda karke nam tumhaara soch raha tha

jo patthar pe likh jate hain kya wo chhoD diye jate hain

patthar toD diye jate hain

aur phir main ne peD pe likh ke nam tumhaara ye socha tha

ab ye nam aabaad rahega sar-sabz-o-shadab rahega

lekin main ye bhul gaya tha

peD giraya ja sakta hai harf miTaya ja sakta hai

dekhen duniya wale kab tak jazbon ko tasKHir karenge

hum bhi ab ke nam tumhaara is dil par tahrir karenge

manzar manzar hairani hai pas-manzar aabaad hai tum se

jo kal tak viran paDa tha

wo ghar ab aabaad hai tum se