marzi

zamīñ par shor barpā thā

yahāñ sikka hamārā hai

kahīñ fir.aun kī marzī

kahīñ namrūd hākim hai

kahīñ shaddād kī jannat

kahīñ qārūn kahtā hai

yahāñ hadd-e-nazar tak jis ko bhī jo kuchh nazar aa.e

faqat mālik haiñ ham is ke

hamārī bārgāhoñ meñ

sar-e-taslīm ḳham kar do

achānak

zalzala aaya

zamīñ kī jumbihsoñ meñ sab tah-o-bālā nazar aa.e

sukārā hī sukārā kā ajab māhaul barpā thā

falak se tab sadā gūñjī

mirī duniyā mirī marzī

zamin par shor barpa tha

yahan sikka hamara hai

kahin firaun ki marzi

kahin namrud hakim hai

kahin shaddad ki jannat

kahin qarun kahta hai

yahan hadd-e-nazar tak jis ko bhi jo kuchh nazar aae

faqat malik hain hum is ke

hamari bargahon mein

sar-e-taslim KHam kar do

achanak

zalzala aaya

zamin ki jumbihson mein sab tah-o-baala nazar aae

sukara hi sukara ka ajab mahaul barpa tha

falak se tab sada gunji

meri duniya meri marzi