mausam

asīr-e-ārzū hujūm-e-be-amāñ

sharāb roz-o-shab kī ātish-ravāñ meñ

barhamī ke qahqahoñ kī bāzgasht

ab hamāre darmiyāñ

ajiib ḳhvāhishoñ ke biij bo rahī hai

mere vāste jo ajnabī hai

us ko paas se guzartā dekh luuñ to us kī raushnī

ko noch luuñ

jo us ke ḳhuun meñ utar rahī hai

us ke ek pal ko dūsre se joḌtī hai

tairtī hai saañs meñ

havā kī vo sharīr mauj chhīn luuñ

vo jānvar hamārī nasl kā nahīñ

vo kyuuñ hañse vo kyuuñ jiye

hamāre rū-ba-rū hamārī aarzū ke rū-ba-rū

vo is zamīñ pe kyuuñ chale

ajiib ḳhvāhisheñ ajab ḳhvāhishoñ kī ham-safar

har ek aa.ina magar hai dūsre ke sāmne

ġhalīz sūrateñ ġhalīz sūratoñ ke sāmne

maiñ ajnabī vo ajnabī

asiir aarzū bhī magar siyāh kā dil dil be-ḳhabar

vo dā.era ravāñ hai jis ke har safar kī intihā

maqām-e-marg-e-tāzgī maqām-e-marg-e-naġhmagī

havā namī safed dhuup zard phuul dekhte hī dekhte guzar ga.e

hamārī aarzū ke biich mausamoñ pe chhā ga.e

asir-e-arzu hujum-e-be-aman

sharab roz-o-shab ki aatish-rawan mein

barhami ke qahqahon ki bazgasht

ab hamare darmiyan

ajib KHwahishon ke bij bo rahi hai

mere waste jo ajnabi hai

us ko pas se guzarta dekh lun to us ki raushni

ko noch lun

jo us ke KHun mein utar rahi hai

us ke ek pal ko dusre se joDti hai

tairti hai sans mein

hawa ki wo sharir mauj chhin lun

wo jaanwar hamari nasl ka nahin

wo kyun hanse wo kyun jiye

hamare ru-ba-ru hamari aarzu ke ru-ba-ru

wo is zamin pe kyun chale

ajib KHwahishen ajab KHwahishon ki ham-safar

har ek aaina magar hai dusre ke samne

ghaliz suraten ghaliz suraton ke samne

main ajnabi wo ajnabi

asir aarzu bhi magar siyah ka dil dil be-KHabar

wo daera rawan hai jis ke har safar ki intiha

maqam-e-marg-e-tazgi maqam-e-marg-e-naghmagi

hawa nami safed dhup zard phul dekhte hi dekhte guzar gae

hamari aarzu ke bich mausamon pe chha gae