maut hamare taaqub mein hai

ik din jab ham

dam toḌeñge

to tābūt meñ

saath hamāre kyā jā.egā

kaash kabhī ye sochā hotā

rang-o-bū kī

duniyā meñ kyā

zinda rahegā

koī hamesha

dil kī nagrī meñ ham utreñ

aur zarā ye socheñ bhaa.ī

apne andar

īmāñ kī daulat

rakh kar bhī

kitne muflis haiñ ham

aage kī mushkil ghāTī ko

phir kaise ham paar kareñge

aage kī manzil ke liye bhī

raḳht-e-safar kuchh bāñdheñ jaldī

vaqt bahut hī kam hai bhaa.ī

pīchhe muḌ kar ye to dekheñ

maut hamāre ta.āqub meñ hai

ek din jab hum

dam toDenge

to tabut mein

sath hamare kya jaega

kash kabhi ye socha hota

rang-o-bu ki

duniya mein kya

zinda rahega

koi hamesha

dil ki nagri mein hum utren

aur zara ye sochen bhai

apne andar

iman ki daulat

rakh kar bhi

kitne muflis hain hum

aage ki mushkil ghaTi ko

phir kaise hum par karenge

aage ki manzil ke liye bhi

raKHt-e-safar kuchh bandhen jaldi

waqt bahut hi kam hai bhai

pichhe muD kar ye to dekhen

maut hamare taaqub mein hai