mera desh

tāj-mahal hai jhūmar is kā kāshmīr hai gahnā

kanyakumari paa.el is kī desh kā hai kyā kahnā

mere desh kā kyā kahnā

gangā jamunā is kī āñkheñ laal qila dil is kā

aaj himāla parbat jaisā hai mustaqbil is kā

koī nahīñ duniyā meñ dekho aaj muqābil is kā

mere desh kā kyā kahnā

jaliyāñ vaalā raaj siñghāsan āzādī kā taḳht-o-tāj

jāme.a masjid is kī izzat birlā mandir is kī laaj

roz savere sargam gaatī qudrat le kar apne saaz

mere desh kā kyā kahnā

din holī aur raat dīvālī tyauhāroñ kā desh hai ye

'ġhālib' aur 'tagore' kī dhartī fankāroñ kā desh hai ye

jām-e-shahādat piine vaale mai-ḳhvāroñ kā desh hai ye

mere desh kā kyā kahnā

taj-mahal hai jhumar is ka kashmir hai gahna

kanyakumari pael is ki desh ka hai kya kahna

mere desh ka kya kahna

ganga jamuna is ki aankhen lal qila dil is ka

aaj himala parbat jaisa hai mustaqbil is ka

koi nahin duniya mein dekho aaj muqabil is ka

mere desh ka kya kahna

jaliyan wala raj singhasan aazadi ka taKHt-o-taj

jamea masjid is ki izzat birla mandir is ki laj

roz sawere sargam gati qudrat le kar apne saz

mere desh ka kya kahna

din holi aur raat diwali tyauhaaron ka desh hai ye

'ghaalib' aur 'tagore' ki dharti fankaron ka desh hai ye

jam-e-shahadat pine wale mai-KHwaron ka desh hai ye

mere desh ka kya kahna