mera kya hai tum socho na

merā kyā hai

maiñ kyoñ sochūñ

aage rasta band paḌā hai yā koī manzil bhī hai

chāroñ taraf pur-shor samundar yā koī sāhil bhī hai

chalte chalte paañv meñ chhāle paḌ jaa.eñ aur dard kā bhī ehsās nahīñ ho

maiñ kyoñ sochūñ koī jo mujh se ġhāfil bhī hai

merā kyā hai

bachpan kī pahlī Thokar se jis ne sañbhalnā siikh liyā ho

nāzuk kachchī umr se jis ne aag pe chalnā siikh liyā ho

Dar se bāhar aa kar jis ne har pal marnā siikh liyā ho

uḌnā jis kā maqsad ho aur jis ne uḌnā siikh liyā ho

maiñ kyoñ sochūñ

aane vaalā lamha merā dost hai yā ki dushman hai

dil kā milnā qaid-e-ghuTan hai yā sundar sā bandhan hai

mere jaisā merā saaya us par tan-man arpan hai

jīvan meñ hai prem chhupā yā prem meñ saarā jīvan hai

maiñ kyoñ sochūñ

merā kyā hai

ishq agar hai aag kā dariyā

phir mujh ko ye aag pasand hai

ek mohabbat sab kā hal hai

mujh ko bas ye raag pasand hai

maiñ kyoñ sochūñ

merā kyā hai

apnī aag meñ jalnā kyā hai ab maiñ chillātī huuñ

maiñ bhī patthar ho saktī huuñ yaad dilātī huuñ

rasta band jahāñ hotā hai DhūñD ke aatī huuñ

apne dam se patjhaḌ kī bhī pyaas bujhātī huuñ

merā kyā hai

tum socho nā

mera kya hai

main kyon sochun

aage rasta band paDa hai ya koi manzil bhi hai

chaaron taraf pur-shor samundar ya koi sahil bhi hai

chalte chalte panw mein chhaale paD jaen aur dard ka bhi ehsas nahin ho

main kyon sochun koi jo mujh se ghafil bhi hai

mera kya hai

bachpan ki pahli Thokar se jis ne sanbhalna sikh liya ho

nazuk kachchi umr se jis ne aag pe chalna sikh liya ho

Dar se bahar aa kar jis ne har pal marna sikh liya ho

uDna jis ka maqsad ho aur jis ne uDna sikh liya ho

main kyon sochun

aane wala lamha mera dost hai ya ki dushman hai

dil ka milna qaid-e-ghuTan hai ya sundar sa bandhan hai

mere jaisa mera saya us par tan-man arpan hai

jiwan mein hai prem chhupa ya prem mein sara jiwan hai

main kyon sochun

mera kya hai

ishq agar hai aag ka dariya

phir mujh ko ye aag pasand hai

ek mohabbat sab ka hal hai

mujh ko bas ye rag pasand hai

main kyon sochun

mera kya hai

apni aag mein jalna kya hai ab main chillati hun

main bhi patthar ho sakti hun yaad dilati hun

rasta band jahan hota hai DhunD ke aati hun

apne dam se patjhaD ki bhi pyas bujhati hun

mera kya hai

tum socho na