mera mazhab

jis se karnī thī tauba

vo hī ḳhud-baḳhud ḳhudā ban gayā

mere maz.hab meñ mohabbat ko

kisī bhī sūrat kufr nahīñ mānte

ve añdhere bechte rahe

ham ne raushnī dī be-mol

jaise ko taisā

hamāre yahāñ nek-dilī nahīñ mānte

jab kā.enāt hī saarī tohfa hai

phir hoḌ kis se kam bhī kaafī hai

ḳhud ko ham har

ḳhushī kā haqdār nahīñ mānte

jhuuT aur makkārī ke pā.edān chaḌh ke

bulandī jo paa.e aise bande ko

mere jahāñ meñ

koī sikandar nahīñ mānte

mushkiloñ meñ mā'nī milte haiñ apne

aur haqīqat donoñ ke kināroñ pe

khelne ko ham

mulāqāt-e-zindagī nahīñ mānte

vo shā'ir merī ruuh par jo

likh rahā hai vahī shabd hai

baaqī kisī nazm ko ham

shā'irī nahīñ mānte

jis se karni thi tauba

wo hi KHud-baKHud KHuda ban gaya

mere mazhab mein mohabbat ko

kisi bhi surat kufr nahin mante

we andhere bechte rahe

hum ne raushni di be-mol

jaise ko taisa

hamare yahan nek-dili nahin mante

jab kaenat hi sari tohfa hai

phir hoD kis se kam bhi kafi hai

KHud ko hum har

KHushi ka haqdar nahin mante

jhuT aur makkari ke paedan chaDh ke

bulandi jo pae aise bande ko

mere jahan mein

koi sikandar nahin mante

mushkilon mein ma'ni milte hain apne

aur haqiqat donon ke kinaron pe

khelne ko hum

mulaqat-e-zindagi nahin mante

wo sha'ir meri ruh par jo

likh raha hai wahi shabd hai

baqi kisi nazm ko hum

sha'iri nahin mante