mera watan

ye merā vatan

merā chaman

merī zamīñ hai

vahdat ke kahīñ giit to murlī kī kahīñ taan

ban-bās baḌhātā hai yahāñ aur bhī kuchh

shaan

ik haath meñ giitā hai to ik haath meñ qur.ān

hai kirshn kī murlī

kahīñ nānak kā yaqīñ hai

ye merā vatan

merā chaman

merī zamīñ hai

bāzāroñ se pur shahr to khetoñ se saje gaañv

zulfoñ kī mahak hai kahīñ pīpal kī ghanī chhāñv

har moḌ pe rukne ko haiñ be-tāb mire paañv

dil merā kahīñ jism kahīñ

ruuh kahīñ hai

ye merā vatan

merā chaman

merī zamīñ hai

har sub.h hai rangīn to har shaam suhānī

lamhāt ke hoñToñ pe hai maazī kī kahānī

mā'sūm laḌakpan hai to mad.hosh javānī

mahtāb sā chehra hai

sitāroñ kī jabīñ hai

ye merā vatan

merā chaman

merī zamīñ hai

ye mera watan

mera chaman

meri zamin hai

wahdat ke kahin git to murli ki kahin tan

ban-bas baDhata hai yahan aur bhi kuchh

shan

ek hath mein gita hai to ek hath mein quran

hai kirshn ki murli

kahin nanak ka yaqin hai

ye mera watan

mera chaman

meri zamin hai

bazaron se pur shahr to kheton se saje ganw

zulfon ki mahak hai kahin pipal ki ghani chhanw

har moD pe rukne ko hain be-tab mere panw

dil mera kahin jism kahin

ruh kahin hai

ye mera watan

mera chaman

meri zamin hai

har subh hai rangin to har sham suhani

lamhat ke honTon pe hai mazi ki kahani

ma'sum laDakpan hai to madhosh jawani

mahtab sa chehra hai

sitaron ki jabin hai

ye mera watan

mera chaman

meri zamin hai