meri rahon ke ab tum musafir nahin

tum jo anjān rāhoñ meñ

be-nām logoñ se

din ke ujāle meñ

rātoñ ke mailoñ meñ

taptī do-pahrī kī

chhāñv ke Deroñ meñ

sāvan kī jhīloñ ke

bahte jazīroñ meñ

tadbīreñ milne kī

karte ho yuuñ

karte ho kyoñ

tum se milnā kisī kī zarūrat nahīñ

tum kisī ke masīhā kabhī bhī nahīñ

tum ki maġhrūr apnī haqīqat pe ho

tum ko mahbūb-o-māshūq maiñ ne kiyā

ret-e-hastī kā Tiila tabhī to sajā

jab ye Tiila sajā

maiñ bikhar sā gayā

tum ne mujh se kahā

tum kahīñ ke ḳhudā

tum kahāñ ke ḳhudā

chiil kavvoñ se bad-tar vo gidh Thahre tum

merī sāñsoñ ke thamne ke mushtāq ho

mere qadmoñ kī aahaT pe hairān ho

merī aahaT suno aaj zinda huuñ maiñ

tum jo nūrānī chehroñ pe marte ho yuuñ

un ke mīThe suroñ meñ ulajhte ho yuuñ

jaao ab se tumhāre vahī rahnumā

jaao maiñ ne tumheñ kar diyā hai vidā.a

phir jo socho kabhī zindagī na milī

un kī āvāz meñ rahbarī na milī

jhiil āñkhoñ meñ apnī chhavī na milī

merī chāhat mirī ājizī na milī

aur chāho kabhī is taraf lauTnā

merī TuuTī zabāñ kī yahī ho sadā

tum larazte raho

aaheñ bharte raho

aaheñ bhar bhar ke

bhar bhar ke marte raho

merī rāhoñ ke ab tum musāfir nahīñ

tum jo anjaan rahon mein

be-nam logon se

din ke ujale mein

raaton ke mailon mein

tapti do-pahri ki

chhanw ke Deron mein

sawan ki jhilon ke

bahte jaziron mein

tadbiren milne ki

karte ho yun

karte ho kyon

tum se milna kisi ki zarurat nahin

tum kisi ke masiha kabhi bhi nahin

tum ki maghrur apni haqiqat pe ho

tum ko mahbub-o-mashuq main ne kiya

ret-e-hasti ka Tila tabhi to saja

jab ye Tila saja

main bikhar sa gaya

tum ne mujh se kaha

tum kahin ke KHuda

tum kahan ke KHuda

chil kawwon se bad-tar wo gidh Thahre tum

meri sanson ke thamne ke mushtaq ho

mere qadmon ki aahaT pe hairan ho

meri aahaT suno aaj zinda hun main

tum jo nurani chehron pe marte ho yun

un ke miThe suron mein ulajhte ho yun

jao ab se tumhaare wahi rahnuma

jao main ne tumhein kar diya hai widaa

phir jo socho kabhi zindagi na mili

un ki aawaz mein rahbari na mili

jhil aankhon mein apni chhawi na mili

meri chahat meri aajizi na mili

aur chaho kabhi is taraf lauTna

meri TuTi zaban ki yahi ho sada

tum larazte raho

aahen bharte raho

aahen bhar bhar ke

bhar bhar ke marte raho

meri rahon ke ab tum musafir nahin