mere nadim

ab TuuT bhī chuke mirā sāġhar tirā rabāb

ab qahqahe lagā.egī zulmat mire nadīm

qalb-e-tapāñ se aa.ī hai kitnī udaas aañch

sho.aloñ pe so ga.ī hai mohabbat mire nadīm

kitnā badal gayā huuñ magar kis tarah kahūñ

aatī hai ab bhī roz qayāmat mire nadīm

phir bujh ga.e charāġh mire āñsūoñ ke aaj

āñkhoñ meñ kho ga.ī hai sadāqat mire nadīm

in qahqahoñ meñ gum hai mirī zindagī kā raaz

jaise bhulā chukā huuñ mohabbat mire nadīm

bas ik fareb-kārī-e-ulfat sahī magar

kuchh duur bhī nahīñ hai haqīqat mire nadīm

ab TuT bhi chuke mera saghar tera rabab

ab qahqahe lagaegi zulmat mere nadim

qalb-e-tapan se aai hai kitni udas aanch

shoalon pe so gai hai mohabbat mere nadim

kitna badal gaya hun magar kis tarah kahun

aati hai ab bhi roz qayamat mere nadim

phir bujh gae charagh mere aansuon ke aaj

aankhon mein kho gai hai sadaqat mere nadim

in qahqahon mein gum hai meri zindagi ka raaz

jaise bhula chuka hun mohabbat mere nadim

bas ek fareb-kari-e-ulfat sahi magar

kuchh dur bhi nahin hai haqiqat mere nadim