mirriKH ki sair

is saal chhuTTiyoñ kā banā ye programme

jā.eñge dost sair ko mirrīḳh kī tamām

duniyā se duur apnī ḳhalāoñ meñ jā.eñge

ham dūsre jahāñ kī ḳhabar le ke ā.eñge

ūñchī bahut uḌaan hai lambā baḌā safar

nikle ḳhalā kī sair ko rocket meñ baiTh kar

phir ham ne jā ke Daal dī mirrīḳh par kamand

iqbāl ke iqbāl ko ham ne kiyā buland

lambe safar ke baad jo pahuñche mirrīḳh par

dekhe qadam qadam pe ajūbe mirrīḳh par

ahl-e-mirrīḳh ne kahā hameñ ḳhush-āmdīd

samjho yuuñ ham ko apnī vafā se liyā ḳharīd

maḳhlūq ik ajiib hī dekhī mirrīḳh par

the bandaroñ se jism to chītoñ se un ke sar

aate nazar nahīñ the ba-zāhir to un ke par

sab uḌte phir rahe the ḳhalā meñ idhar udhar

ruk ruk ke uḌ rahī thiiñ ḳhalāoñ meñ titliyāñ

bin aab tairtī thiiñ fazāoñ meñ machhliyāñ

rañgīn ḳhushnumā the sitāre mirrīḳh par

nazroñ ko lūTte the nazāre mirrīḳh par

sarsabz rañg chāñd thā sarsabz raat thī

māhaul pur-sukūñ thā ġhamoñ se najāt thī

thiiñ gahrī khā.iyāñ kahīñ ūñche pahāḌ the

chāñdī ke sabza-zār the sone ke jhaaḌ the

thiiñ raunaqeñ karachi kī mausam marī kā thā

dil meñ ḳhayāl bhī na koī be-gharī kā thā

mahsūs kam hī hotī vahāñ par thī bhuuk pyaas

khāne ko phal lazīz the charne ko mīThī ghaas

laTkī huī shajar pe thiiñ paanī kī botaleñ

hairān-kun ḳhalā meñ muallaq thiiñ hoteleñ

mauqa jo haath aayā thā ham ne na der kī

ghūme phire mirrīḳh pe jī bhar ke sair kī

do maah kī chhuTTīyāñ ga.iiñ do din meñ hī guzar

buddhū tamām lauT ke phir aa.e apne ghar

mirrīḳh kā safar to baḌā lā-javāb thā

lagtā hai jaise dekhā koī ham ne ḳhvāb thā

is sal chhuTTiyon ka bana ye programme

jaenge dost sair ko mirriKH ki tamam

duniya se dur apni KHalaon mein jaenge

hum dusre jahan ki KHabar le ke aaenge

unchi bahut uDan hai lamba baDa safar

nikle KHala ki sair ko rocket mein baiTh kar

phir hum ne ja ke Dal di mirriKH par kamand

iqbaal ke iqbaal ko hum ne kiya buland

lambe safar ke baad jo pahunche mirriKH par

dekhe qadam qadam pe ajube mirriKH par

ahl-e-mirriKH ne kaha hamein KHush-amdid

samjho yun hum ko apni wafa se liya KHarid

maKHluq ek ajib hi dekhi mirriKH par

the bandaron se jism to chiton se un ke sar

aate nazar nahin the ba-zahir to un ke par

sab uDte phir rahe the KHala mein idhar udhar

ruk ruk ke uD rahi thin KHalaon mein titliyan

bin aab tairti thin fazaon mein machhliyan

rangin KHushnuma the sitare mirriKH par

nazron ko luTte the nazare mirriKH par

sarsabz rang chand tha sarsabz raat thi

mahaul pur-sukun tha ghamon se najat thi

thin gahri khaiyan kahin unche pahaD the

chandi ke sabza-zar the sone ke jhaD the

thin raunaqen karachi ki mausam mari ka tha

dil mein KHayal bhi na koi be-ghari ka tha

mahsus kam hi hoti wahan par thi bhuk pyas

khane ko phal laziz the charne ko miThi ghas

laTki hui shajar pe thin pani ki botalen

hairan-kun KHala mein muallaq thin hotelen

mauqa jo hath aaya tha hum ne na der ki

ghume phire mirriKH pe ji bhar ke sair ki

do mah ki chhuTTiyan gain do din mein hi guzar

buddhu tamam lauT ke phir aae apne ghar

mirriKH ka safar to baDa la-jawab tha

lagta hai jaise dekha koi hum ne KHwab tha