mohabbat jism hai mana

koī āvāz thī jis ke talātum meñ

yuuñ bah jaanā kahāñ manzūr mujh ko thā

kahīñ vahshat ke an-dekhe bhañvar ke saat parde the

jo zindānoñ meñ khulte the

har ek zindāñ meñ maiñ thī

aur mirī sarshār tabī.at ke har ek lamhe kī sāñsoñ meñ

kahīñ merī anā thī merī tāqat thī mohabbat thī

maiñ kab aisī kisī āvāz kī zad meñ

mohabbat DhūñDhtī tahlīl hotī

aur āvāra sī kuchh maujoñ meñ mil kar ḳhud ko kho detī

mohabbat jism hai maanā

magar sarshār rūhoñ kī alag bhī ek bastī hai

ḳhayāloñ se pare bhī ik nagar hai

jis meñ ham tum zindagī kī fāqa-mastī aur udāsī aur ḳhāmoshī ke jangal se guzarte haiñ

jahāñ vīrāniyoñ kī saltanat meñ

dīda-o-nādīda ḳhvāb bante aur ujaḌte haiñ

kahīñ ham rāste ke sang-pāroñ se ulajh kar

ek lamhe meñ hazāroñ baar jiite aur marte haiñ

mohabbat jism ke chhoTe se hujre ke

kisī goshe meñ rahtī hai

yahāñ rauzan nahīñ koī

kahīñ se raushnī kī ik kiran andar nahīñ aatī

bahut gahrā añdherā hai

tasavvur aur ḳhayāloñ kī guzargāhoñ pe pahrā hai

mohabbat ek lā hāsil safar kā sātvāñ parda hai

jis meñ ik samundar us kī tuġhyānī ḳhamoshī kā baserā hai

samundar shānt hotā hai to pistānoñ se lahreñ yuuñ lipaTtī haiñ

ki jaise ghan garaj ke baa'd sarshārī kā lamha ho

usī lamhe meñ vaqfe meñ

mohabbat be-karāñ hotī hai jiitī hai

mohabbat gungunātī aur bikhartī hai

mohabbat jāvedāñ hotī mahaktī hai

koi aawaz thi jis ke talatum mein

yun bah jaana kahan manzur mujh ko tha

kahin wahshat ke an-dekhe bhanwar ke sat parde the

jo zindanon mein khulte the

har ek zindan mein main thi

aur meri sarshaar tabiat ke har ek lamhe ki sanson mein

kahin meri ana thi meri taqat thi mohabbat thi

main kab aisi kisi aawaz ki zad mein

mohabbat DhunDhti tahlil hoti

aur aawara si kuchh maujon mein mil kar KHud ko kho deti

mohabbat jism hai mana

magar sarshaar ruhon ki alag bhi ek basti hai

KHayalon se pare bhi ek nagar hai

jis mein hum tum zindagi ki faqa-masti aur udasi aur KHamoshi ke jangal se guzarte hain

jahan viraniyon ki saltanat mein

dida-o-nadida KHwab bante aur ujaDte hain

kahin hum raste ke sang-paron se ulajh kar

ek lamhe mein hazaron bar jite aur marte hain

mohabbat jism ke chhoTe se hujre ke

kisi goshe mein rahti hai

yahan rauzan nahin koi

kahin se raushni ki ek kiran andar nahin aati

bahut gahra andhera hai

tasawwur aur KHayalon ki guzargahon pe pahra hai

mohabbat ek la hasil safar ka satwan parda hai

jis mein ek samundar us ki tughyani KHamoshi ka basera hai

samundar shant hota hai to pistanon se lahren yun lipaTti hain

ki jaise ghan garaj ke ba'd sarshaari ka lamha ho

usi lamhe mein waqfe mein

mohabbat be-karan hoti hai jiti hai

mohabbat gungunati aur bikharti hai

mohabbat jawedan hoti mahakti hai