aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat ka ek sal

Ayub Khawar

mohabbat ka ek sal

Ayub Khawar

MORE BYAyub Khawar

    is ik saal meñ

    kitne saal guzāreñge ham

    har ik din, ik saal misāl

    har ik din sub.h sūraj harf-e-savāl

    har ik din jhulsī huī aur bhīgī huī dopahr zavāl

    har ik din kii, har ik shaam shām-e-jamāl

    har ik shaam raat kamāl

    vasl ke har ik lamhe meñ haiñ jaise sadiyāñ ghulī huī

    hijr ke har lamhe meñ jaise

    halkī aañch pe ret dhaḌyāñ bhunī huī

    siine meñ har dhaḌkan, jaise

    cholastānī uuñT gardan meñ hoñ Tali.yāñ bañdhī huī

    āñkhoñ do jhīloñ meñ haiñ

    kañval malāl ke khile hue

    hoñT aapas meñ mile hue

    hichkiyoñ meñ haiñ bañdhe hue

    saañs phāñs hai saale sūraj ke siine meñ gaḌī huī

    chāñd harām-udahar, samundar goTh ke andar

    barfoñ barfoñ dhañsā huā

    din aur raat bhī

    nañg-dhaḌañge ik duuje se lage hue

    un ke pāñv-tale miTTī hai

    aur na sar par Topī hai

    vaqt aane vaale barsoñ ke ḳhalā meñ chaltā jaatā hai

    ye ik saal mohabbat

    thame hue din raat ke nañge-pan par jamtā jaatā hai

    is ek sal mein

    kitne sal guzarenge hum

    har ek din, ek sal misal

    har ek din ki subh ka suraj harf-e-sawal

    har ek din ki jhulsi hui aur bhigi hui dopahr zawal

    har ek din ki, har ek sham sham-e-jamal

    har ek sham ki raat kamal

    wasl ke har ek lamhe mein hain jaise sadiyan ghuli hui

    hijr ke har lamhe mein jaise

    halki aanch pe ret ki dhaDyan bhuni hui

    sine mein har dhaDkan, jaise

    cholastani unT ki gardan mein hon Taliyan bandhi hui

    aankhon ki do jhilon mein hain

    kanwal malal ke khile hue

    honT aapas mein mile hue

    hichkiyon mein hain bandhe hue

    sans ki phans hai sale suraj ke sine mein gaDi hui

    chand haram-udahar, samundar goTh ke andar

    barfon barfon dhansa hua

    din aur raat bhi

    nang-dhaDange ek duje se lage hue

    un ke panw-tale miTTi hai

    aur na sar par Topi hai

    waqt aane wale barson ke KHala mein chalta jata hai

    ye ek sal mohabbat ka

    thame hue din raat ke nange-pan par jamta jata hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now