mohabbat ki bhi koi umr hoti hai

mohabbat kī harārat

dil ko pighlā.e binā rah hī nahīñ saktī

kisī kī ghaTtī baḌhtī umr kā us se ta.alluq kyā

mohabbat kā na koī vaqt hotā hai

na us kī umr hotī hai

ye jab chāhe jise chāhe

jakaḌ letī apne sehr meñ ek-dam

mohabbat kī bhī koī umr hotī

na-jāne kis ne tum se kah diyā kis shai ke nashshe meñ

maiñ us se jab milā mujh ko hañsī aa.ī thī ye sun kar

mohabbat ke na.e mafhūm se vāqif na hone par

mujhe apnī jahālat par

mohabbat kī bhī koī umr hotī hai

maiñ ḳhud se pūchhtā huuñ

aur phir ḳhud hī javāb aane se pahle

maiñ simaT jaatā huuñ apnī zaat ke

barsoñ purāne ḳhol ke andar

usī ThiThure hue

māhaul ke andar

mohabbat ki hararat

dil ko pighlae bina rah hi nahin sakti

kisi ki ghaTti baDhti umr ka us se talluq kya

mohabbat ka na koi waqt hota hai

na us ki umr hoti hai

ye jab chahe jise chahe

jakaD leti apne sehr mein ek-dam

mohabbat ki bhi koi umr hoti

na-jaane kis ne tum se kah diya kis shai ke nashshe mein

main us se jab mila mujh ko hansi aai thi ye sun kar

mohabbat ke nae mafhum se waqif na hone par

mujhe apni jahaalat par

mohabbat ki bhi koi umr hoti hai

main KHud se puchhta hun

aur phir KHud hi jawab aane se pahle

main simaT jata hun apni zat ke

barson purane KHol ke andar

usi ThiThure hue

mahaul ke andar