mohabbat riwayat nahin hai

mohabbat vo pāmāl rasta nahīñ hai

ke aate hue moḌ kī har ḳhabar

kirm-ḳhurda kitāboñ ke bosīda safhoñ kī dhundlī lakīroñ meñ chhup-chhup ke uryāñ huī ho

mohabbat kī tasvīr kis ne banā.ī

mohabbat ke safar kā safar-nāma kis ne likhā hai

agar koī ik gum-shuda sī sadī meñ

idhar se guzar bhī gayā thā

to us ko ḳhabar kyā

koī biitā mausam inhī pattharoñ kī kisī darz meñ koī koñpal khilā kar gayā ho

mohabbat kā har tajraba dūsre se alaihada nā hotā

to ye jhurriyoñ sī darāḌoñ se labrez patthar se chehre

hameñ apne pāmāl rastoñ pe uñglī pakaḌ kar chalāte

ye ḳhud ham se kahte ke jaao mohabbat karo

magar jān-e-jānāñ

hamārā tumhārā yahī mas.ala hai

baġhāvat rivāyat nahīñ hai

mohabbat wo pamal rasta nahin hai

ke aate hue moD ki har KHabar

kirm-KHurda kitabon ke bosida safhon ki dhundli lakiron mein chhup-chhup ke uryan hui ho

mohabbat ki taswir kis ne banai

mohabbat ke safar ka safar-nama kis ne likha hai

agar koi ek gum-shuda si sadi mein

idhar se guzar bhi gaya tha

to us ko KHabar kya

koi bita mausam inhi pattharon ki kisi darz mein koi konpal khila kar gaya ho

mohabbat ka har tajraba dusre se alaihada na hota

to ye jhurriyon si daraDon se labrez patthar se chehre

hamein apne pamal raston pe ungli pakaD kar chalate

ye KHud hum se kahte ke jao mohabbat karo

magar jaan-e-jaanan

hamara tumhaara yahi masala hai

baghawat riwayat nahin hai