mother day

aaj maaoñ ke 'ālamī din par

chaar sū rang aise bikhre haiñ

jaise qaus-o-quzah utar aa.e

jaise bād-e-sabā chale tham tham

jaise aa jaa.e gulsitāñ meñ bahār

aaj maa.eñ bhī ḳhud pe nāzāñ haiñ

markaz-e-dil haiñ markaz-e-jāñ haiñ

aur maiñ huuñ ki aaj pahlī baar

lahd-e-mādar pe rakhne aayā huuñ

ek guldasta apnī chāhat kā

mere andar yaqīn zinda hai

dekhtī hai falak se vo mujh ko

muskurātī hai merī ḳhushiyoñ pe

aur mire dukh pe ashk afshāñ hai

mujh ko kāmil yaqīñ hai merī maañ

go bazāhir yahāñ nahīñ maujūd

vo mire saath saath rahtī hai

mujh ko ab bhī du'ā.eñ detī hai

aaj maon ke 'alami din par

chaar su rang aise bikhre hain

jaise qaus-o-quzah utar aae

jaise baad-e-saba chale tham tham

jaise aa jae gulsitan mein bahaar

aaj maen bhi KHud pe nazan hain

markaz-e-dil hain markaz-e-jaan hain

aur main hun ki aaj pahli bar

lahd-e-madar pe rakhne aaya hun

ek guldasta apni chahat ka

mere andar yaqin zinda hai

dekhti hai falak se wo mujh ko

muskuraati hai meri KHushiyon pe

aur mere dukh pe ashk afshan hai

mujh ko kaamil yaqin hai meri man

go bazahir yahan nahin maujud

wo mere sath sath rahti hai

mujh ko ab bhi du'aen deti hai