muhajir

yahāñ

kabhī kabhī dhuup bhī

ziina ziina yuuñ utrī hai

jaise ajnabī ho

aur mujhe vo log yaad aa.e haiñ

jo apne vatan se bichhaḌ ga.e

muhājir jilā-vatan

jinhoñ ne samjhā thā ki ajnabī shahr meñ maut

kam logoñ ko aatī hai

jo yahāñ is gumān meñ aa.e the

ki āfiyat daa.im rahegī

tum ne Dhalte sāyoñ kī siyāsat se gurez kiyā hai

tum dhuup se Dare ho

tum ne aañkh yuuñ band kar lī hai jaise pakkī iiñT hai

mere tumhāre darmiyān ab roz-marra

hamdardiyoñ ke lafz bhī nahīñ

yahan

kabhi kabhi dhup bhi

zina zina yun utri hai

jaise ajnabi ho

aur mujhe wo log yaad aae hain

jo apne watan se bichhaD gae

muhajir jila-watan

jinhon ne samjha tha ki ajnabi shahr mein maut

kam logon ko aati hai

jo yahan is guman mein aae the

ki aafiyat daim rahegi

tum ne Dhalte sayon ki siyasat se gurez kiya hai

tum dhup se Dare ho

tum ne aankh yun band kar li hai jaise pakki inT hai

mere tumhaare darmiyan ab roz-marra

hamdardiyon ke lafz bhi nahin