muhasba

ajab sachchā.ī hai ye

vo bachpan thā jise kho kar

laḌakpan kī sabhī bāteñ javānī kī hasīñ yādeñ

kitāboñ meñ raqam kar diiñ

na jaane kitne aalim the

jinheñ sun kar jinheñ paḌh kar takabbur meñ ye kah baiThe

ki duniyā meñ

hameñ bhī ilm kī tārīf aatī hai

hamāre dil pe bhī ta.alīm ne paiġhām likkhā hai

achānak dil ke goshe se

ye ik āvāz aatī hai

tumhāre paas jitnā ilm hai us kā

ahāta kar ke batlāo

tumhāre ilm kā āġhāz aur anjām kitnā hai

ye sun kar jab muhāsib ban ke ham ne zehn meñ jhāñkā

to kyā dekhā

hamāre paas jitnā ilm hai 'shāhid'

sabhī kuchh ḳhaak par mabnī

haqīqat sirf itnī hai

hameñ kuchh bhī nahīñ aatā

ajab sachchai hai ye

wo bachpan tha jise kho kar

laDakpan ki sabhi baaten jawani ki hasin yaaden

kitabon mein raqam kar din

na jaane kitne aalim the

jinhen sun kar jinhen paDh kar takabbur mein ye kah baiThe

ki duniya mein

hamein bhi ilm ki tarif aati hai

hamare dil pe bhi talim ne paigham likkha hai

achanak dil ke goshe se

ye ek aawaz aati hai

tumhaare pas jitna ilm hai us ka

ahata kar ke batlao

tumhaare ilm ka aaghaz aur anjam kitna hai

ye sun kar jab muhasib ban ke hum ne zehn mein jhanka

to kya dekha

hamare pas jitna ilm hai 'shahid'

sabhi kuchh KHak par mabni

haqiqat sirf itni hai

hamein kuchh bhi nahin aata