mujhe aise hi rahne do

jahāñ par bhī paḌā huuñ maiñ vahāñ par tum

kabhī aao yahāñ baiTho zarā tum ġhaur se dekho

ki kaise maiñ yahāñ duniyā kī makkārī ko sahtā huuñ

magar phir bhī maiñ chup huuñ ki koī mujh se alag na ho

bahut kuchh kah chukā huuñ maiñ kabhī khul kar kabhī ḳhāmosh lahje meñ

nahīñ samjhā koī mujh ko mujhe dukh hai to is kā hai

maiñ ab kahtā huuñ duniyā se agar sun le mohabbat se

maiñ pyāsā huuñ mohabbat kā mohabbat kā maiñ pyāsā huuñ

koī kuchh bhī kahe mujh ko mirā kuchh bhī nahīñ hogā

mujhe mā'lūm hai duniyā badalne ko kahe mujh ko

mujhe vo chhoḌ de yā phir mirī vo raah par aa jaa.eñ

nahīñ badlūñgā maiñ ab to na badlegī mirī 'ādat

mujhe aise hī rahne do mujhe aise hī rahne do

jahan par bhi paDa hun main wahan par tum

kabhi aao yahan baiTho zara tum ghaur se dekho

ki kaise main yahan duniya ki makkari ko sahta hun

magar phir bhi main chup hun ki koi mujh se alag na ho

bahut kuchh kah chuka hun main kabhi khul kar kabhi KHamosh lahje mein

nahin samjha koi mujh ko mujhe dukh hai to is ka hai

main ab kahta hun duniya se agar sun le mohabbat se

main pyasa hun mohabbat ka mohabbat ka main pyasa hun

koi kuchh bhi kahe mujh ko mera kuchh bhi nahin hoga

mujhe ma'lum hai duniya badalne ko kahe mujh ko

mujhe wo chhoD de ya phir meri wo rah par aa jaen

nahin badlunga main ab to na badlegi meri 'adat

mujhe aise hi rahne do mujhe aise hi rahne do