mujhe kuchh bhi nahin dikhta

siyah rāteñ khanaktī dhuup shāmeñ kah rahīñ mujh se

maiñ jin āñkhoñ se duniyā dekhtā thā kho ga.iiñ mujh se

jo duniyā ḳhūb-sūrat thī vo ab bas ek rang kī hai

aur is duniyā kī har sūrat bhī lagtī ek Dhang kī hai

tumhāre baa'd merā ġham nazar ko gaḌ.h gayā ya.anī

mirī āñkhoñ pe kaalā rang koī chaḌh gayā ya.anī

tumhārī aañkh merī thī jo ab merī nahīñ hai to

siyah chādar se dīgar ab mujhe kuchh bhī nahīñ dikhtā

mire mausam mohabbat hijr ġham ab ek jaise haiñ

magar āñkhoñ meñ pahle ke nazāre Thiik vaise haiñ

mujhe ab Dar nahīñ lagtā hai duniyā ke añdheroñ se

mujhe ab Dar nahīñ lagtā mire apne parāyoñ se

mujhe sab aam lagtā hai mirī tanhā.ī ke aage

mirī tanhā.ī mere saath har ik raat meñ jaage

vo āñkheñ so ga.iiñ jab ḳhvāb kā chehra dikhā kar to

siyah chādar se dīgar ab mujhe kuchh bhī nahīñ dikhtā

jin āñkhoñ se tumhāre saath maiñ ne ḳhvāb dekhe the

jin āñkhoñ ne tumhāre pyaar ke sailāb dekhe the

vo āñkheñ jo faqat mere liye rab ne tarāshī thiiñ

un āñkhoñ ne tumhāre saath meñ sadiyāñ guzārī thiiñ

jin āñkhoñ ne tumhāre pyaar ke sapne ugaa.e the

jin āñkhoñ ne tumhāre hijr ke qissa sunā.e the

siyah parde ne un ko Dhak liyā hai is liye jānāñ

siyah chādar se dīgar ab mujhe kuchh bhī nahīñ dikhtā

vo āñkheñ jo mirī tasvīroñ ko chūme na thaktī thiiñ

vo āñkheñ jo mire dīdār meñ raste ko taktī thiiñ

un āñkhoñ kī sabhī bāteñ nahīñ jhūTī nahīñ hoñgī

ġhamoñ meñ un kī barsāteñ nahīñ jhūTī nahīñ hoñgī

bichhaḌnā jab huā hogā vo barsī hoñgī sach-much meñ

maiñ dikh jā.ūñ kahīñ ik baar tarsī hoñgī sach-much meñ

in āñkhoñ se bichhaḌ kar ho ga.ī duniyā mirī dhuñdlī

siyah chādar se dīgar ab mujhe kuchh bhī nahīñ dikhtā

siyah raaten khanakti dhup shamen kah rahin mujh se

main jin aankhon se duniya dekhta tha kho gain mujh se

jo duniya KHub-surat thi wo ab bas ek rang ki hai

aur is duniya ki har surat bhi lagti ek Dhang ki hai

tumhaare ba'd mera gham nazar ko gaDh gaya yani

meri aankhon pe kala rang koi chaDh gaya yani

tumhaari aankh meri thi jo ab meri nahin hai to

siyah chadar se digar ab mujhe kuchh bhi nahin dikhta

mere mausam mohabbat hijr gham ab ek jaise hain

magar aankhon mein pahle ke nazare Thik waise hain

mujhe ab Dar nahin lagta hai duniya ke andheron se

mujhe ab Dar nahin lagta mere apne parayon se

mujhe sab aam lagta hai meri tanhai ke aage

meri tanhai mere sath har ek raat mein jage

wo aankhen so gain jab KHwab ka chehra dikha kar to

siyah chadar se digar ab mujhe kuchh bhi nahin dikhta

jin aankhon se tumhaare sath main ne KHwab dekhe the

jin aankhon ne tumhaare pyar ke sailab dekhe the

wo aankhen jo faqat mere liye rab ne tarashi thin

un aankhon ne tumhaare sath mein sadiyan guzari thin

jin aankhon ne tumhaare pyar ke sapne ugae the

jin aankhon ne tumhaare hijr ke qissa sunae the

siyah parde ne un ko Dhak liya hai is liye jaanan

siyah chadar se digar ab mujhe kuchh bhi nahin dikhta

wo aankhen jo meri taswiron ko chume na thakti thin

wo aankhen jo mere didar mein raste ko takti thin

un aankhon ki sabhi baaten nahin jhuTi nahin hongi

ghamon mein un ki barsaten nahin jhuTi nahin hongi

bichhaDna jab hua hoga wo barsi hongi sach-much mein

main dikh jaun kahin ek bar tarsi hongi sach-much mein

in aankhon se bichhaD kar ho gai duniya meri dhundli

siyah chadar se digar ab mujhe kuchh bhi nahin dikhta